Autopilot og full sjálfkeyrslugeta

Autopilot er háþróað akstursaðstoðarkerfi sem eykur öryggi og þægindi þegar ekið er.

Hægt er að kaupa þrjá Autopilot-pakka: Autopilot, Enhanced Autopilot og fulla sjálfkeyrslugetu.

Autopilot, Enhanced Autopilot og full sjálfkeyrslugeta eru ætluð til notkunar þannig að bílstjóri hafi áfram fulla athygli við akstur, hafi hendur á stýri og geti tekið við stjórninni hvenær sem er. Eiginleikarnir eru hannaðir til að verða betri með tímanum en þeir eiginleikar sem nú eru fyrir hendi gera bílinn ekki sjálfakandi.

  • Eiginleikar Autopilot og fullrar sjálfkeyrslugetu
  • Notkun á Autopilot og fullri sjálfkeyrslugetu
  • Virkir öryggiseiginleikar
  • Algengar spurningar


  • Eiginleikar Autopilot og fullrar sjálfkeyrslugetu

    Autopilot er akstursaðstoðareiginleikar sem hægt er að kaupa áður en þú kaupir bílinn eða eftir að hann hefur verið afhentur og bætir nýrri virkni við Tesla bifreiðina sem gerir akstur öruggari og minnkar álag við akstur. Í boði pakka eru:

    Autopilot

    • Umferðarnæmur hraðastillir: Stillir hraða bílsins í samræmi við umferðina
    • Sjálfstýring: Hjálpar til við að stýra bílnum þar sem akreinar eru greinilega merktar og notar umferðarnæman hraðastilli

    Aukinn Autopilot

    • Sjálfvirk akreinaskipti: Hjálpar til við að færa bílinn á aðliggjandi akrein á þjóðveginum þegar bílstjóri gefur stefnuljós
    • Keyra með Autopilot (tilraunaútgáfa): Viðbót við sjálfvirk akreinaskipti og veitir bílstjóra leiðbeiningar um akstur af þjóðvegi, leggur meðal annars til akreinaskipti og veitir aðra akstursaðstoð
    • Autopark: Hjálpar þér að leggja bílnum með einni snertingu
    • Summon: Færir bílinn í og úr þröngum rýmum, þú notar snjallappið
    • Smart Summon: Bíllinn þinn getur ekið við flóknari aðstæður og á bílastæðum, farið kringum hindranir eins og þörf krefur og ekið til þín á bílastæðinu nálægt þér.

    Full sjálfkeyrslugeta

    • Allir eiginleikar Basic Autopilot og Enhanced Autopilot.
    • Stýring vegna umferðarljósa og stöðvunarskilta (tilraunaútgáfa): Þekkir stöðvunarskilti og umferðarljós og hægir á bílnum þegar hann nálgast slíkt undir virku eftirliti þínu.
    • Væntanlegt:
      • Sjálfstýring á borgargötum

    Þeir eiginleikar sem virkir eru gera kröfu um eftirlit ökumanns og gera ökutækið ekki sjálfstýrandi. Virkjun og notkun þessara eiginleika er háð því að ná fram áreiðanleika sem er meiri en mannlegir ökumenn hafa sýnt á milljörðum eknum kílómetrum sem og samþykki eftirlitsaðila en slíkt kann að taka langan tíma innan ákveðinna lögsagnarumdæma. Með frekari þróun sjálfkeyrslugetu verður bíllinn reglulega uppfærður með hugbúnaðaruppfærslum um netið.



    Notkun á Autopilot og fullri sjálfkeyrslugetu

    Áður en Autopilot er notað skaltu lesa eigendahandbókina til að fá leiðbeiningar og frekari öryggisupplýsingar. Þegar þú notar Autopilot er það á þína ábyrgð að fylgjast með, aka með öruggum hætti og hafa stjórn á bílnum allan tímann. Sjálfgefið er slökkt á mörgum Autopilot eiginleikum okkar, til dæmis sjálfstýringu, Keyra með Autopilot og Summon. Til að kveikja á þeim þarftu að fara í valmyndina Autopilot Controls á flipanum Settings og kveikja á þeim.

    Áður en kveikt er á Autopilot þarf bílstjóri að samþykkja „keep your hands on the steering wheels at all times“ og „maintain control and responsibility for your vehicle“. Síðan mun „keep your hands on the wheel“ birtast í hvert sinn sem bílstjóri notar Autopilot.

    Umferðarnæmur hraðastillir
    Til að virkja umferðarnæmann hraðastilli í Model S og Model X skaltu toga hraðastillirofann vinstra megin við stýrið einu sinni í átt að þér. Í Model 3 og Model Y skaltu ýta einu sinni niður á akstursrofann til hægri við stýrið.

    Sjálfstýring
    Til að virkja sjálfstýringu í Model S og Model X skaltu toga akstursrofann til vinstri við stýrið tvisvar í átt að þér. Í Model 3 og Model Y skaltu toga niður akstursrofann hægra megin við stýrið. Grátt stýristákn birtist á skjánum, við hliðina á hraðamælinum, þegar hægt er að nota kerfið. Blátt stýristákn birtist á skjánum, við hliðina á hraðamælinum, þegar kveikt er á sjálfstýringu.

    Þegar sjálfstýring er í notkun mælir hún það snúningsátak sem þú nota við stýrið og ef ónógu snúningsátaki er beitt minna síhækkandi hljóð- og sjónviðvaranir þig á að á að setja hendur á stýrið. Þetta hjálpar til við að tryggja að þú sért vakandi og þjálfar góðar akstursvenjur. Ef þú hunsar þessar viðvaranir ítrekað geturðu ekki notað Autopilot frekar á meðan á þeirri ferð stendur.

    Sjálfvirk akreinaskipti
    Til að hægt sé að skipta um akrein með aðstoð þarf að vera kveikt á Autosteer og bílstjórinn að hafa hendur á stýri. Ökumaður þarf að staðfesta aðstoð við akreinaskipti með því að gefa stefnuljós í þá átt sem þú vilt fara.

    Keyra með Autopilot
    Keyra með Autopilot er hannað til að koma þér á áfangastað á betri hátt með því að leiðbeina þér af þjóðveginum, stinga upp á akreinaskiptum, hjálpa þér af einum þjóðvegi á annan og aðstoða þig við að fara af hverjum vegi fyrir sig. Eiginleikinn er hannaður til að auðvelda þér að finna og fylgja hagkvæmustu leiðinni að áfangastað þegar Autopilot er í notkun.

    Til að kveikja á eiginleikanum þarftu fyrst að kveikja á sjálfstýringu með því að fara í Controls > Autopilot > Autosteer og kveikja síðan á eiginleikanum Navigate on Autopilot. Fínstillingar á myndavél er krafist og þarf að sækja nýjustu útgáfuna af leiðsagnarkortum gegnum WiFi.

    Fyrir hverja leið þar sem Keyra með Autopilot er í boði geturðu kveikt á eiginleikanum með því að ýta á hnappinn NAVIGATE ON AUTOPILOT sem er staðsettur í Navigation Turn listanum. Þú getur einnig kveikt á Keyra með Autopilot þegar áfangastað er slegið inn og kveikt er á Autopilot með því að breyta Navigate on Autopilot stillingunum í Controls > Autopilot > Customize Navigate on Autopilot.

    Á Model 3 og Model Y er hægt að kveikja á Keyra með Autopilot á flestum þjóðvegum með því að ýta akstursrofanum tvisvar snöggt niður.

    Á Model S og Model X er hægt að kveikja á Keyra með Autopilot á flestum þjóðvegum með því að ýta akstursrofa tvisvar hratt í áttina að þér.

    Sjálfleggjandi
    Ef bíllinn þinn sér stað fyrir bílastæði mun grátt „P“-tákn birtast vinstra eða hægra megin á mælaborðinu, en það fer eftir staðsetningu bílastæðisins. Autopark skynjar stæði þar sem hægt er að leggja samsíða ef ekið er á minna en 24 km/klst og stæði þar sem hægt er að leggja hornrétt þegar ekið er á minna en 16 km/klst.

    Til að nota Autopark skaltu þá ýta á bremsuna og færa gírvalið í „Reverse“. Hafðu fótinn á bremsunni. „Start Autopark“ mun birtast í bláum texta á snertiskjánum – ýttu þar til að ræsa eiginleikann og slepptu bremsunni og stýrinu. Autopark mun þá byrja að hreyfa ökutækið inn í bílastæðið með því að stjórna hraða bílsins, gírskiptingu og stýrihorni en þú ættir að muna að fylgjast með og vakta bakkmyndavélina til að athuga með hindranir.

    Þegar Autopark er lokið mun bíllinn láta þig vita að búið sé að leggja bílnum og fara svo í „Park“. Þú getur hnekkt Autopark hvenær sem er með því að stjórna stýrinu.

    Summon
    Til að nota Summon skaltu opna Tesla appið. Ýttu á Summon og ýttu síðan á hnappana fram eða til baka. Summon er líka hægt að samþætta við HomeLink og getur opnað bílskúrshurðina og ekið bílnum úr bílskúrnum.

    Smart Summon
    Smart Summon er hannað til að leyfa bílnum að aka að þér eða staðsetningu sem þú velur, fara kringum og stoppa ef hlutir eru framundan, eins og þörf krefur, undir virku eftirliti þínu. Smart Summon er, líkt og Summon, einungis ætlað til notkunar á einkabílastæðum og innkeyrslum. Þú berð áfram ábyrgð á bílnum og verður að hafa eftirlit með honum og umhverfi hans allan tímann og hann þarf að vera innan sjónsviðs þíns því hann finnur ef til vill ekki allar hindranir. Vertu sérstaklega varkár þegar fólk er á hraðferð, kringum reiðhjól og bíla.

    Til að nota Smart Summon skaltu opna Tesla appið, ýta á Summon og velja síðan Smart Summon-táknið. Til að kveikja á eiginleikanum skaltu halda COME TO ME hnappnum inni. Einnig er hægt að ýta á táknið fyrir áfangastað, velja áfangastað með því að færa kortið og halda síðan GO TO TARGET-hnnappnum inni. Þú getur stöðvað akstur bílsins hvenær sem er með því að losa hnappinn.

    Smart Summon vinnur með Tesla appinu þínu og GPS símans þegar það er í gangi. Þú verður að vera innan við um það bil 6 metra frá bílnum þínum til að nota hann í ferð sem er alls 20 metrar. Smart Summon krefst nýjustu útgáfunnar af Tesla snjallappinu (3.10.0 eða nýrri). Skoðaðu eigendahandbókina til að fá frekari upplýsingar um eiginleikann.

    Stýring vegna umferðarljósa og stöðvunarskilta (tilraunaútgáfa)

    Stýring vegna umferðarljósa og stöðvunarskilta (tilraunaútgáfa) ber kennsl á stöðvunarskilti og umferðarljós og hægir sjálfkrafa á bílnum þegar þú nálgast þau meðan þú notar Autopilot, undir virku eftirliti þínu. Til að kveikja á þessu skaltu færa bílinn yfir í PARK og ýta á Controls > Autopilot > Traffic Light and Stop Sign Control (Beta) og kveikja síðan á Traffic-Aware Cruise Control eða Autosteer.

    Þegar kveikt er á stýringu á umferðarljósum og stöðvunarskiltum (tilraunaútgáfa) birtir akstursmyndgervingin umferðarljós, stöðvunarskilti eða vegamerkingar framundan á gatnamótum þar sem bíllinn þinn gæti þurft að stoppa. Þegar þú nálgast gatnamót, jafnvel þó að umferðarljósin séu græn, mun bíllinn sýna rauða línu sem gefur til kynna hvar ökutækið mun stoppa og hvar það mun byrja að draga úr hraða. Til að halda áfram gegnum stöðvunarlínuna skaltu toga í Autopilot-stöngina eða ýta stuttlega á hraðapedalann til að staðfesta að óhætt sé að halda áfram. Sem stendur snýr Stýring vegna umferðarljósa og stöðvunarskilta ekki bílnum, hvort sem þú ert á beygjuakrein eða ert með kveikt á stefnuljósinu.

    Tilkynningar á snertiskjánum gefa upp stöðvunarástæðu (stöðvunarmerki eða umferðarljós) og gefa einnig upp áætlaða fjarlægð að þeim punkti þar sem bíllinn mun stoppa. Ef umferðarljósatilkynningin sýnir ekki ljósan lit hefur ökutækið þitt ekki staðfest stöðu umferðarstýringar.

    Eins og með alla eiginleika Autopilot þarftu að passa að hafa stjórn á ökutækinu, fylgjast með umhverfinu og grípa til aðgerða strax, þar á meðal með því að hemla. Þessi eiginleiki er í tilraunaútgáfu og ekki er víst að hann virki við öll umferðarmerki. Ef kveikt er á stýringu vegna umferðarljósa og stöðvunarskilta á vegum þegar kveikt er á sjálfstýringu verður hraðinn hjá þér takmarkaður við uppgefið hámark. Skoðaðu eigendahandbókina til að fá frekari upplýsingar, notkunarleiðbeiningar og viðvaranir.



    Virkir öryggiseiginleikar

    Virkir öryggiseiginleikar eru staðalbúnaður í öllum Tesla ökutækjum sem framleidd voru eftir september 2014. Þannig er alltaf hægt að tryggja meiri vernd. Autopilot vélbúnaðurinn og hugbúnaðurinn gerir þessa eiginleika mögulega og innifelur eftirfarandi:

    • Sjálfvirk neyðarhemlun: Skynjar bíla eða hindranir á vegi bílsins og bremsar í samræmi við það
    • Árekstrarvari að framan: Varar við yfirvofandi árekstri við bíla sem hreyfast hægar eða eru kyrrstæðir
    • Árekstrarvari á hlið: Varar við hugsanlegum árekstrum við hindranir til hliðar við bílinn
    • Hindrananæm hröðun: Dregur úr hröðun þegar hindrun greinist fyrir framan bílinn þegar ekið er á litlum hraða
    • Blindpunktsvöktun: Varar við þegar vart verður við bíl eða hindrun þegar skipt er um akrein
    • Akreinarstillir: Leiðréttir stýrið til að halda bílnum á tilætlaðri akrein
    • Neyðarakreinarstillir: Stýrir bílnum aftur á akreinina þegar skynjað er að bíllinn er að fara af akreininni og árekstur gæti orðið

    Virkir öryggiseiginleikar eru hannaðir til að aðstoða bílstjóra en geta ekki brugðist við í öllum aðstæðum. Þú berð ábyrgð á því að vera vakandi, aka með öruggum hætti og hafa stjórn á bílnum við allar aðstæður.



    Algengar spurningar

    Eru allir bílar með Autopilot?
    Autopilot er staðalbúnaður í öllum nýjum Tesla bílum frá og með apríl 2019 og innifalið eru umferðarnæmur hraðastillir og sjálfstýring.

    Þú getur keypt Autopilot, Enhanced Autopilot eða fulla sjálfkeyrslugetu hvenær sem er gegnum Tesla reikninginn þinn – og þá verður áskildum Autopilot-hugbúnaði bætt við bílinn þinn. Skráðu þig inn á reikninginn þinn og veldu síðan „Stjórna“ fyrir valið módel. Flettu niður að „Versla“ og veldu síðan „Autopilot-uppfærslur“.

    Get ég prófað Autopilot áður en ég kaupi eiginleikann?
    Þú getur upplifað Autopilot, Enhanced Autopilot eða fulla sjálfkeyrslugetu í reynsluakstri á stað þar sem Tesla hefur verslun.

    Hvernig kaupi ég Autopilot-uppfærslu?
    Þú getur keypt Autopilot, Enhanced Autopilot eða fulla sjálfkeyrslugetu hvenær sem er gegnum Tesla reikninginn þinn – og þá verður áskildum Autopilot-hugbúnaði bætt við bílinn þinn. Skráðu þig inn á reikninginn þinn og veldu síðan „Stjórna“ fyrir valið módel. Flettu niður að „Versla“ og veldu síðan „Autopilot-uppfærslur“.

    Er hægt að setja Autopilot-vélbúnað í bíl síðar?
    Autopilot-vélbúnaður er staðalbúnaður í öllum bílum sem framleiddir voru eftir október 2016.

    Í bílum sem smíðaðir voru á tímabilinu september 2014 til október 2016 er ein myndavél, ratsjá og hljóðbylgjuskynjarar. Í þessum bílum bjóðum við ekki upp á ísetningu nýjasta Autopilot-vélbúnaðarins.

    Hvernig skoða ég hvaða Autopilot-vélbúnað ég er með?
    Skoðaðu uppsetninguna á snertiskjánum. Veldu „Controls“ > „Software“ og staðfestu tegund Autopilot tölvu. Ýttu síðan á „Additional Vehicle Information“.

    Hvernig virkar Autopilot?
    Autopilot er smíðað á djúptauganet og notar myndavélar, hljóðbylgjuskynjara og ratsjár til að sjá og skynja umhverfið í kringum bílinn. Þetta öfluga sett skynjara og myndavéla veitir bílstjórum upplýsingar um umhverfið sem bílstjórinn hefur ekki aðgang að einn og sér. Öflug tölva um borð vinnur úr inntaksgögnunum á millisekúndum og hjálpar þér að minnka áhættu og álag við akstur.

    Þarf ég samt að fylgjast með meðan ég nota Autopilot?
    Já. Autopilot er akstursaðstoðarkerfi sem einungis er ætlað að styðja bílstjóra sem hefur alla athygli á akstrinum. Eiginleikinn gerir Tesla ekki að sjálfkeyrandi bíl og gerir bíl ekki sjálfvirkan.

    Áður en kveikt er á Autopilot þarftu að samþykkja „keep your hands on the steering wheels at all times“ og „maintain control and responsibility for your vehicle“ öllum stundum. Þegar kveikt er á eiginleikanum mun Autopilot einnig birta síhækkandi hljóð- og myndviðvaranir ef snúningsátak er ekki nægilegt á stýrinu og minna þig þannig á að vera með hendur á stýrði ef snúningsátak er ónóg. Ef þú hunsar þessar viðvaranir ítrekað verðurðu útilokaður frá því að nota Autopilot á meðan á ferðinni stendur.

    Þú getur hnekkt öllum eiginleikum Autopilot hvenær sem er með því að stýra, bremsa eða nota hraðastillirofann til að slökkva á eiginleikanum.

    Hverjar eru takmarkanir Autopilot?
    Margir þættir geta haft áhrif á frammistöðu Autopilot og valdið því að kerfið virkar ekki eins og ætlað er. Þar á meðal eru, án takmarkana: lélegt skyggni (vegna mikillar rigningar, snjós, þoku o.s.frv.), björt ljós (vegna aðalljósa annarra bíla, beins sólarljóss o.fl.), aur, ís, snjór, truflanir eða hindranir vegna hluta sem festir eru á ökutækið (eins og reiðhjólagrindur), hindrun vegna vara sem innihalda mikið lakk eða límefni (eins og umbúðir, límmiðar, gúmmíhúð o.fl.) og settar eru á ökutækið; þröngir vegir, vegir með miklar beygjur, akstur á miklum hraða eða skemmdur stuðari, truflun frá öðrum búnaði sem myndar hljóðbylgjur, mjög mikill hiti eða kuldi.

    Til að tryggja að Autopilot-vélbúnaðurinn geti veitt upplýsingar sem eru sem nákvæmastar skaltu halda myndavélum og skynjurum hreinum og lausum við hindranir eða skemmdir. Fjarlægðu óhreinindi af og til með því að þurrka myndavélarnar og skynjarana með mjúkum klút sem vættur hefur verið með volgu vatni.

    Hvernig nota ég eiginleika Autopilot?
    Áður en Autopilot er notað skaltu lesa eigendahandbókina til að fá leiðbeiningar og frekari öryggisupplýsingar. Þegar þú notar eiginleika Autopilot er það á þína ábyrgð að fylgjast með, aka með öruggum hætti og hafa stjórn á bílnum allan tímann.

    Kveikt á Autopilot í Model S og Model X

    Kveikt á Autopilot í Model 3 og Model Y

    Hversu langan tíma tekur það Autopilot að fínstilla sig áður en hægt er að kveikja á eiginleikanum?
    Áður en hægt er að nota eiginleika Autopilot í fyrsta sinn þurfa myndavélar að ljúka fínstillingarferli. Fínstillingu lýkur venjulega eftir að þú hefur keyrt 32-40 km en vegalengdin er mismunandi eftir vegi og umhverfisaðstæðum. Hafðu samband við Tesla ef bíllinn hefur ekki lokið fínstillingarferlinu eftir að þú hefur ekið 160 km.

    Er blindpunktsvöktun fyrir hendi?
    Til að bæta öryggi þegar skipt er um akrein birta bílar sem smíðaðir voru eftir október 2016 rauða akreinalínu þegar stefnuljósið er í gangi og vart verður við bíl eða hindrun á þeirri akrein sem þú ætlar að fara á. Þetta felur í sér betri vöktun á blindblett á mælaborðinu sem endurspeglar þá tegund bíla sem eru á blinda blettinum. Þetta er viðbót sem hjálpar bílstjóra sem nú þegar er með athyglina á akstrinum.

    Merki: 

    DEILA