Stuðningur

Eiginleikar tengdir öryggi bílsins

Tesla bílar eru hannaðir með hámarksöryggi í huga á allan hátt, hvort sem um er að ræða ytri hönnun og burðarvirki eða öryggi bílanna.

Tesla bifreiðin þín er með nokkra frekari öryggiseiginleika sem auðvelt er að kveikja á. Til að kveikja á þeim eiginleikum skaltu fara í „Controls“ > „Safety & Security“ á snertiskjá bílsins.



Security Alarm

Viðvörunin gefur frá sér hljóð og ytri ljós munu blikka ef læst skott eða hurð eru opnuð án gilds aðgangslykils.

Þú getur kveikt á Security Alarm á snertiskjánum með því að fara í „Controls“ > „Safety & Security“ > „Security Alarm“. Bíllinn þinn kveikir á viðvöruninni einni mínútu eftir að þú ferð úr bílnum, hurðir eru læstar og þekktur lykill finnst ekki í eða nærri bílnum.

Þú getur slökkt á viðvöruninni með því að ýta á hvaða hnapp sem er á Tesla lyklinum Hægt er að slökkva á viðvöruninni í Model 3 með því að ýta á hvaða hnapp sem er í Tesla appinu eða með því að láta kortalykilinn þinn snerta kortalesarann. Þetta er staðsett fyrir neðan Autopilot-myndavélina á hliðarstólpa hurðar bílstjóramegin.

Efst á síðu

PIN to Drive

PIN to Drive gerir þér kleift að stilla fjórar staðfestingartölur sem slá þarf inn áður en hægt er að keyra bílinn.

Þú getur kveikt á eiginleikanum á snertiskjánum með því að fara í „Controls“ > „Safety & Security“ > „PIN to Drive“. Beðið verður um að þú búir til staðfestingarnúmer, fjórar tölur.

Ef þú gleymdir PIN-númeri eða vilt slökkva á PIN to Drive skaltu fara aftur í stillingarnar á snertiskjánum. Ýttu á tengilinn til að slá inn aðgangsorð þín á Tesla og fylgdu leiðbeiningunum á skjánum.

Efst á síðu

Sentry Mode

Sentry Mode er eiginleiki sem gerir þér kleift að vakta grunsamlegt athæfi kringum Tesla bifreiðina þína þegar henni er lagt og læst á ákveðnum stöðum. Þegar grunsamlegrar hreyfingar verður vart mun bíllinn bregðast við með hliðsjón af alvarleika hættunnar.

Ef vart verður umtalsverðrar hættu munu myndavélar í bílnum hefja upptöku og viðvörunarkerfið fara í gang. Þú munt fá tilkynningu frá Tesla appinu þínu þar sem þú færð að vita að atvik hafi átt sér stað.

Til að kveikja á Sentry Mode skaltu fara í „Controls“ > „Safety & Security“ > „Sentry Mode“. Einnig er hægt að kveikja á Sentry Mode gegnum raddskipun eða Tesla appið. Sentry Mode er virkt þar til hleðsla rafhlöðu er 20% eða minni, nema bíllinn sé við Supercharger hleðslustöð. Tesla appið mun láta þig vita ef slökkt verður á Sentry Mode vegna þess að lítið er eftir á rafhlöðunni.

Sentry Mode er hannað til að auka enn frekar öryggi bílsins þíns en verndar ekki gegn öllum mögulegum hættum.

Athugaðu: Ekki er hægt að hafa Dog Mode og Sentry Mode kveikt samtímis.

Athugaðu: Ekki verður tekið upp í Sentry Mode ef Dashcam er ekki sett upp á réttan hátt og með USB-drifi. Til að setja upp Dashcam skaltu fylgja þessum leiðbeiningum.

Skoðaðu eigendahandbókina til að fá frekari upplýsingar um Sentry Mode.

Efst á síðu

Require Manual Entry

Allir Tesla bílar bjóða upp á það að opnast sjálfkrafa þegar þú nálgast bílinn með lykilinn.

Ef þú kveikir á Passive Entry á Model S eða Model X verða bílhurðirnar opnaðar sjálfkrafa þegar þú nálgast bílinn með lykilfjarstýringuna. Á Model 3 mun vottaður símlykill nota Bluetooth-merki til að opna bílhurðirnar þegar þú nálgast bílinn.

Ef þú vilt opna handvirkt skaltu slökkva á Passive Entry þannig að nota þurfi lykil til að komast inn.

Efst á síðu

Innbrotsskynjarar

Allar Tesla bifreiðir í Evrópu eru með innbrotsskynjara sem staðalbúnað. Skynjararnir eru inni í bílnum, nálægt baksýnisspeglinum og gefa af og til frá sér úthljóðsbylgjur um bílinn að innan. Viðvörun fer í gang ef truflun verður á merkinu vegna innbrots eða bíllinn hreyfist umtalsvert og verndar bílinn gegn sumum innbrotstilraunum sem annars væri ekki tekið eftir.

Efst á síðu

Fjarlægðarskynjarar

Allar Tesla bifreiðir í Evrópu eru með hallaskynjara sem staðalbúnað. Skynjarinn er inni í bílnum og innfelldur í innbrotsskynjarann. Viðvörun fer í gang ef bílnum er hallað umtalsvert og verndar gegn því að bílnum sé lyft, til dæmis upp á kerru.

Efst á síðu

Algengar spurningar

Hvernig set ég upp Dashcam?
Til að geta notað Daschcam þarftu að hafa USB-drif sem er sniðið á réttan hátt og getur geymt og sótt myndefni. Þegar rétt sniðið USB-drif hefur verið sett inn í eitt af USB-tengjum ökutækisins að framanverðu mun Dashcam-tákn birtast efst á snertiskjánum.

Ef þú vilt sníða USB-drif skaltu setja það inn í USB-tengi að framanverðu og velja „Safety & Security“ > „FORMAT USB DEVICE.“ Þá verður USB-drifið sniðið sem exFAT og TeslaCam-mappa búin til. Ef þú vilt fá leiðbeiningar um hvernig þú getur sniðið USB-drif í tölvu skaltu skoða eigendahandbókina.

Athugaðu: Ef þú velur „FORMAT USB DEVICE“ verður drifið sniðið upp á nýtt og öllu efni sem á því er verða eytt. Sníða verður USB-drifið sem exFAT, FAT 32 (fyrir Windows), MS-DOS FAT (fyrir Mac), ext3 eða ext4. Ekki er stutt við NTFS. Í USB-drifinu verður einnig að vera mappa, ekki undirmappa, sem kallast TeslaCam.

Efst á síðu

SHARE