Algengar spurningar – Pöntun og afhending

Pöntun send

Ég var að ljúka við að hanna mína Tesla bifreið og sendi inn pöntun. Hver eru næstu skref?
Eftir að þú hefur sent inn pöntun á bílnum skaltu skrá þig inn á Tesla reikninginn þinn með netfanginu og aðgangsorðinu sem notuð voru til að gera pöntunina. Ljúktu við alla áskilda reiti, þar á meðal eftirfarandi:

  • - Samskiptaupplýsingar viðskiptavinar
  • - Afhendingarstaður
  • - Greiðslumáti
  • - Skráningarskjöl og heimilisfang
  • - Undirritað skriflegt umboð í skráningarskyni

Við hvetjum þig til að skoða Tesla reikninginn þinn reglulega til að sjá tilkynningar og klára allt sem beðið er um að þú gerir þar. Til að fá frekari upplýsingar skaltu fara á aðstoð vegna Tesla reiknings.
Efst á síðu

Get ég breytt hönnuninni minni á Model S, Model X, Model 3 eða Model Y?
Þú getur breytt Tesla hönnun þinni fram til þess tíma að lokareikningur birtist á Tesla reikningnum þínum. Athugaðu að breytingar á pöntun geta tafið afhendingardag.
Efst á síðu

Fæ ég reikning fyrir greiðslu á pöntun?
Já það verður sýnilegt á Tesla reikningnum þínum, undir „Skjöl“ um sólarhringi eftir að þú sendir inn pöntun.
Efst á síðu

Hvar finn ég verksmiðjunúmer ökutækis (VIN)?
Þegar verksmiðjunúmer ökutækis (VIN) hefur verið úthlutað verður það tiltækt á Tesla reikningnum þínum, ásamt með uppsetningarkostunum.
Efst á síðu

Er Tesla reikningurinn minn búinn til sjálfvirkt þegar ég panta Tesla?
Já, Tesla reikningurinn þinn er búinn til sjálfkrafa þegar þú sendir pöntun á Tesla. Aðgangsorðin eru hin sömu og þú notaðir þegar þú sendir inn pöntunina.
Til að endurstilla aðgangsorðið skaltu fylgja þessum skrefum. Til að fá frekari upplýsingar skaltu skoða aðstoð vegna Tesla reiknings.
Efst á síðu

Ég sendi inn pöntun, hvenær get ég búist við afhendingu?
Við munum láta þig vita að fyrra bragði um leið og afhendingardagur liggur fyrir. Þú munt fá tölvupóst og SMS með afhendingardeginum og hann mun líka birtast á Tesla reikningnum þínum.
Efst á síðu

Hvar get ég keypt fylgihluti fyrir Tesla bifreiðina mína?
Þú getur keypt aukabúnað í ökutækið á netinu hvenær sem er á hvaða þjónustumiðstöð Tesla sem er.
Efst á síðu

Hvað ef landið mitt er ekki tilgreint í uppsetningu?
Í öllum löndum þarf stjórnvald að samþykkja ný vélknúin ökutæki.Í sumum löndum eða landsvæðum* þar sem Tesla starfar ekki sem bílaumboð fara kaup á Tesla fram gegnum viðskipti utan þess ríkis.Í þeim tilvikum verður Tesla bifreið þín tiltæk til móttöku í Tilburg í Hollandi.
*Á við um lönd innan ESB/EES.
Efst á síðu

Tesla reikningur og Tesla appið

Af hverju þarf ég á Tesla reikningi að halda?
Tesla reikningurinn þinn er staðurinn þar sem þú finnur allar Tesla vörurnar þínar. Reikningur er sjálfkrafa búinn til þegar þú sendir inn pöntun. Sem Tesla eigandi þarftu að fara á Tesla reikninginn þinn til að ljúka við afhendingaráfanga, skoða leiðbeiningar og fá mikilvægar tilkynningar. Athugaðu að allar upplýsingar sem þú skráir á Tesla reikningnum þínum hafa bein áhrif á stafsetningu og greinarmerki í skráningarskjölunum þínum. Frekari upplýsingar.
Efst á síðu

Hvernig næ ég í Tesla appið?
Þú getur sótt Tesla appið úr App Store eða í Google Play eftir að þú sendir inn pöntun. Frekari upplýsingar.
Efst á síðu

Hvernig nota ég Tesla appið?
Eftir að þú sækir Tesla appið skaltu tengja bílinn eða Powerwall með því að skrá þig inn með sama netfangi og aðgangsorði og á Tesla reikningnum. Þú getur fengið frekari upplýsingar um Tesla appið á þjónustusíðunni eða horft á aðstoðarmyndbönd um Tesla appið.
Efst á síðu

Hvenær get ég nálgast Tesla appið mitt?
Af öryggisástæðum mun Tesla appið ekki tengjast bílnum þínum meðan hann er í verksmiðjunni eða í flutningum að afhendingarstað. Þú getur farið í bílinn með Tesla appinu þegar afhending hefur farið fram og notað sömu aðgangsorð og á Tesla reikningnum þínum. Til að kveikja á farsímaaðgangi af snertiskjá bílsins skaltu ýta á Controls > Safety & Security.
Efst á síðu

Get ég flutt Tesla vöruna mína yfir á annan Tesla reikning?
Já, þú getur fært Tesla vöruna þína um leið og hún hefur verið afhent til þín. Frekari upplýsingar um flutning á eignarhaldi.
Efst á síðu

Get ég verið með fleiri en einn Tesla reikning?
Já, þú getur átt marga Tesla reikninga. Ef þú átt fleiri en eina Tesla bifreið geturðu valið að setja þær á einn Tesla reikning eða mismunandi Tesla reikninga. Farðu í „Stillingar“ á Tesla reikningnum þínum, veldu „Bæta bíl við reikninginn“, undir „Flutningur á eignarhaldi“ og sendu inn skjölin. Bílnum þínum verður bætt við Tesla reikninginn þinn innan tveggja daga. Athugaðu að hver Tesla reikningur þarf að hafa sitt eigið netfang.
Efst á síðu

Get ég bætt öðrum bílstjóra eða einstaklingi við Tesla reikninginn minn?
Já, sjáðu hvernig þú getur bætt öðrum einstaklingi við Tesla reikninginn þinn á síðunni reikningsaðstoð.
Efst á síðu

Hvar finn ég skjöl á Tesla reikningnum mínum?
Til að nálgast skjöl á Tesla reikningnum þínum áður en afhending fer fram skaltu fara í „Umsjón“ og svo „Skjölin mín“.
Efst á síðu

Hvað gerist með Tesla reikninginn minn ef ég sel Tesla bifreiðina mína?
Tesla reikningurinn þinn mun áfram verða til. Frekari upplýsingar um flutning á eignarhaldi.
Efst á síðu

Ég get ekki skráð mig inn á Tesla reikninginn minn. Hvað á ég að gera?
Til að endurstilla aðgangsorðið skaltu fylgja þessum skrefum. Ef ekki tekst að endurstilla aðgangsorðið geturðu sent beiðni um tímabundið aðgangsorð á AccountSupportEMEA@tesla.com. Þú munt fá tímabundið aðgangsorð sem þú getur notað til að skrá þig inn. Smelltu svo á „Reikningur“ í horninu efst til hægri til að stilla aðgangsorð.
Efst á síðu

Innheimta og greiðsla

Hvar get ég skoðað lokareikninginn?
Þú getur skoðað lokareikninginn á Tesla reikningnum þínum undir „Skjöl“.
Efst á síðu

Hvað er innifalið í lokareikningnum?
Lokareikningurinn mun innhalda VIN-númerið þitt, uppsetningarkosti og allan kostnað fyrir og eftir skatta. Áætlaður afhendingardagur á lokareikningnum getur breyst.
Efst á síðu

Hvaða greiðslumáta samþykkir Tesla?
Tesla samþykkir millifærslur, fjármögnun gegnum banka eða kaupleigu. Staðfestu valinn greiðslumáta á Tesla reikningnum þínum undir „Greiðslumáti“ eða beint við Tesla Advisor. Við krefjumst greiðslu eða gildrar sönnunar á greiðslu áður en hægt er að bóka afhendingu.
Efst á síðu

Hversu mikið þarf ég að greiða áður en ég tek á móti Tesla bifreiðinni minni?
Greiða þarf ökutækið að fullu, hvort sem er gegnum greiðslu af þinni hálfu eða með ábyrgð frá fjármálastofnun, áður en afhending fer fram.
Efst á síðu

Hvernig ætti ég að senda inn lokagreiðslu?
Til að senda inn lokagreiðsluna skaltu skoða lokareikninginn á Tesla reikningnum þínum og fylgja greiðsluleiðbeiningunum. Ef um millifærslu er að ræða skaltu láta númer reikningsins og tilvísunarnúmerið (t.d. RNXXXXXXXXX) fylgja með í lýsingunni og hlaða upp sönnun á greiðslu á Tesla reikninginn. Tafir á greiðslu geta haft áhrif á afhendingardag.
Efst á síðu

Get ég greitt af fleiri en einum reikningi?
Já, endurtaktu bara millifærsluna fyrir hverja færslu og láttu alltaf númer reiknings og tilvísunarnúmer (t.d. RNXXXXXXXXX) fylgja með í lýsingunni.
Efst á síðu

Get ég notað kreditkort til að greiða fyrir Tesla?
Þú getur bara notað kreditkortið fyrir upphaflegu innborgunina.
Efst á síðu

Get ég fengið sérstakan reikning fyrir fulla sjálfkeyrslugetu?
Nei, allir uppsetningarkostir eru innifaldir í lokareikningnum. Þú getur líka keypt fulla sjálfkeyrslugetu sérstaklega á Tesla reikningnum eftir afhendingu.
Efst á síðu

Get ég fengið sérstakan reikning fyrir vetrardekkin?
Nei, allir uppsetningarkostir eru innifaldir í lokareikningnum. Þú getur líka keypt vetrardekk sérstaklega á næstu þjónustumiðstöð eftir að afhending hefur farið fram.
Efst á síðu

Ég fjármagna gegnum valinn samstarfsaðila Tesla. Hvert er greiðsluferlið?
Afhendingarteymið okkar mun láta þig vita ef þú útborgun til Tesla er áskilin. Ef hún er áskilin verður upphaflega pöntunargreiðslan dregin frá heildarupphæð útborgunarinnar. Kláraðu útborgunina eigi síðar en sjö dögum fyrir afhendingardag til að hægt sé að senda hana, móttaka og vinna úr greiðslunni fyrir settan tíma.
Efst á síðu

Ég er að fjármagna Tesla bifreiðina mína gegnum bankann eða fjármálastofnun. Hvert er greiðsluferlið?
Hafðu samband við bankann til að staðfesta hvort að greiða þurfi útborgun til Tesla eða bankans. Ef útborgun til Tesla er á gjalddaga verður upphafleg greiðsla vegna pöntunar dregin frá heildarupphæð útborgunarinnar. Kláraðu að greiða útborgunina eigi síðar en sjö dögum fyrir afhendingardag. Ef þú ert að fjármagna Tesla með kaupleigu þurfum við staðfestingu á pöntun.
Efst á síðu

Af hverju er „Gjald vegna áfangastaðar og skjalgerðar“ á lokareikningnum?
Gjöld vegna áfangastaðar og skjalagjöld gilda um öll ný ökutæki og taka til umsjónar, skráningar og skjalagerðar.
Efst á síðu

Mun Tesla draga fjárhagshvata vegna rafknúinna farartækja frá lokareikningnum?
Þú getur verið undanþegin(n) VSK-greiðslu fyrir allt að 6.500.000 ISK. Ef svo er mun Tesla draga VSK frá lokareikningnum. Frekari upplýsingar.
Efst á síðu

Fjármögnun og kaupleiga

Hvar finn ég upplýsingar um fjármálavörur sem valdir samstarfsaðilar Tesla í mínu landi bjóða upp á?
Skoðaðu Tesla Design Studio til að fá upplýsingar um vinsælustu fjármögnunarleiðirnar.
Efst á síðu

Hvernig sæki ég um fjármögnun eða kaupleigu í gegnum valinn samstarfsaðila Tesla?
Til að sækja um fjármögnun eða kaupleigu gegnum valinn samstarfsaðila Tesla skaltu fara á Tesla reikninginn þinn og ljúka við upplýsingarnar í hlutanum „Greiðslumáti“. Beðið verður um að þú farir á netumsókn valins samstarfsaðila okkar og þar geturðu klárað fjármögnunarumsóknina þína hvenær sem er.
Athugaðu að mánaðarleg greiðsluupphæð sem birtist í Design Studio er áætlun sem byggir á fjármögnun eða kaupleigu ef við á, gegnum valinn samstarfsaðila Tesla. Þetta er ekki lagalega bindandi og endurspeglar ekki skilyrðin sem liggja til grundvallar fjármögnun eða kaupleigu sem samþykkt gæti verið. Efst á síðu

Hvenær get ég sótt um fjármögnun gegnum valinn samstarfsaðila Tesla?
Þú getur sótt um valda Tesla fjármögnun eins fljótt og kostur er til að tryggja að nægur tími sé fyrir hendi til að taka tillit til allra breytinga og tryggja að öll áskilin skjöl séu kláruð fyrir afhendingu. Hægt er að senda umsókn eftir að pöntun hefur verið send inn.
Efst á síðu

Get ég fjármagnað með mínum eigin banka eða samvinnubanka?
Já, þú getur valið að fjármagna gegnum annan banka sem þú velur. Passaðu að senda undirritaðan samning til Tesla ráðgjafa eða afhendingarstarfsfólk Tesla og hafðu svo samband við bankann um að fá afrit af skjölum og inna greiðslu af hendi eins fljótt og kostur er. Þetta þarf að klára sjö dögum fyrir afhendingardag.
Efst á síðu

Hvað gerist með pöntunargreiðslu ef ég vel fjármögnun gegnum valinn samstarfsaðila Tesla?
Ef við á verður pöntunargreiðslan dregin frá útborgun þinni við fjármögnun.
Efst á síðu

Þegar umsókn mín um fjármögnun hjá völdum samstarfsaðila Tesla er samþykkt, hvað þarf ég þá að gera?
Þegar umsóknin er samþykkt* færðu tilkynningu um að samþykkja boðið til að formgera það.
Eftir innsendingu stefna valdir samstarfsaðilar okkar að því að hafa lánsniðurstöðu tilbúna eins fljótt og kostur er. Þú gætir þurft að senda viðbótarupplýsingar. Ef svo er mun Tesla hafa beint samband við þig og láta vita hvaða skjöl eru áskilin.
*Háð lánsniðurstöðu valins samstarfsaðila okkar.
Efst á síðu

Er mögulegt að fá höfnun varðandi fjármögnun eða kaupleigu?
Já, mögulegt er að þú fáir ekki lánsheimild með fyrstu umsókn þinni. Ef svo er mun Tesla hafa samband varðandi næstu skref, þar á meðal hvort einhverjir aðrir valkostir eru í boði.
Efst á síðu

Þarf ég að koma með skjöl tengd fjármögnun eða kaupleigu við afhendingu?
Til að sjá hvaða skjöl þú þarft að taka með þér við afhendingu skaltu skoða hlutann Afhendingardagur í Algengar spurningar. Upplýsingar um skjöl tengd afhendingardegi verða einnig tiltæk á Tesla reikningnum þínum.
Efst á síðu

Uppítaka

Hvernig fer ég fram á uppítökutilboð?
Ekki er boðið upp á uppítöku vegna pantana sem gerðar eru á Íslandi.
Efst á síðu

Skráning

Hvernig virkar skráning?
Við munum skrá bílinn með þeim upplýsingum sem þú gefur upp á Tesla reikningnum þínum. Ef þú ert að fjármagna bílinn eða ert með hann á kaupleigu þarftu að greiða innborgun til að skrá bílinn. Ef þú greiðir með reiðufé þarftu að greiða heildarupphæðina til að skrá bílinn þinn.
Efst á síðu

Get ég skráð Tesla bifreiðina mína á fyrirtæki?
Já, þú getur skráð Tesla bifreið þína á fyrirtæki. Fjármögnunarstofnanir geta haft viðbótarskilmála ef þú fjármagnar eða ert með kaupleigu í gegnum fyrirtæki.
Efst á síðu

Get ég skráð Tesla bifreiðina mína á tveimur nöfnum, en bara tekið lán á einu nafni?
Nei, skráningarnafnið þarf alltaf að vera hið sama og á lánssamningnum.
Efst á síðu

Hvernig fæ ég númeraplöturnar?
Við munum fara fram á númeraplötur þegar Tesla kemur á afhendingarstað og senda þér tölvupóst beint.
Efst á síðu

Get ég notað núverandi eða fyrirliggjandi númeraplötur?
Nei, þú getur ekki notað núverandi eða fyrirliggjandi númeraplötur fyrir nýjar skráningar.
Efst á síðu

Afhendingardagur

Hvernig verður mér tilkynnt um áætlaðan afhendingardag?
Við munum láta þig vita að fyrra bragði um leið og afhendingardagur liggur fyrir. Þú munt fá tölvupóst og SMS með afhendingardeginum og hann mun líka birtast á Tesla reikningnum þínum.
Efst á síðu

Hvernig get ég undirbúið mig undir afhendingardaginn?
Fylla út mikilvægar upplýsingar fyrir afhendingu
Skoðaðu og ljúktu við afhendingaráfangana á Tesla reikningnum þínum.

Settu upp heimahleðslu
Við mælum með því að þú setjir upp Tesla vegghleðslustöð áður en afhending fer fram. Frekari upplýsingar um hleðslu og uppsetningu á heimahleðslu.

Sækja um fjármögnun
Ef þú ert að fjármagna eða ert með Tesla bifreiðina þína á kaupleigu mælum við með því að þú sækir um fjármögnun um leið og þú hefur sent inn pöntun. Til að fá frekari upplýsingar skaltu skoða Algengar spurningar um fjármögnun og kaupleigu.

Virkja tryggingu
Við mælum með því að þú virkjir tryggingu fyrir afhendingu.

Skoða úrræði
Farðu á Þjónusta Tesla til að fá frekari upplýsingar um eignarhald á Tesla bifreiðum, þar finnurðu líka fróðleg aðstoðarmyndbönd.
Efst á síðu

Hvað á ég að taka með mér á afhendingarstað?
Komdu með ökuskírteinið þitt sem gild skilríki.
Efst á síðu

Einhver annar sækir Tesla bifreiðina mína fyrir mína hönd. Hvað á viðkomandi að koma með?
Þeir eiga að koma með skriflegt umboð og afrit af vegabréfinu þínu eða skilríki á afhendingarstað. Ef þú fjármagnar Tesla bifreiðina þína gegnum Tesla kaupleigu eða með láni þarf einstaklingurinn sem tilgreindur er í samningnum að vera á afhendingarstaðnum.
Efst á síðu

Hvaða afhendingarmöguleika býður Tesla upp á?
Við bjóðum upp á ýmsa afhendingarkosti. Við munum forvelja og tímasetja fyrir þig. Hvaða afhendingarvalkostir eru í boði fer eftir því hver staðsetning þín er, hvaða uppsetningu á bíl þú velur og öðrum kjörstillingum. Frekari upplýsingar um afhendingarkosti.
Efst á síðu

Get ég breytt tímasetningu á afhendingu?
Ef þú þarft að breyta afhendingardegi skaltu hafa samband við Tesla Advisor eins fljótt og kostur er. Athugaðu að ef bíllinn þinn er nú þegar í flutningi er ekki víst að hægt sé að breyta staðsetningu.
Efst á síðu

Þjónusta og ábyrgðir

Hvers kyns ábyrgð fylgir nýrri Tesla sem ég fæ mér?
Ábyrgðin hjá okkur nær til Tesla bifreiðarinnar þinnar í 4 ár eða 80.000 km, hvort sem kemur fyrst. Ábyrgðin nær einnig til rafhlöðunnar og rafmótorsins. Frekari upplýsingar má fá á síðunni Ökutækisábyrgð.
Efst á síðu

Hvers kyns ábyrgð fylgir notaðri Tesla sem ég fæ mér?
Það fer eftir aldri Tesla bifreiðarinnar og kílómetrafjöldanum. Frekari upplýsingar má fá á síðunni Ökutækisábyrgð.
Efst á síðu

Býður Tesla upp á framlengda ábyrgð eða þjónustusamninga?
Þú getur keypt framlengda ábyrgð allt fram að lokum Tesla ábyrgðarinnar.
Efst á síðu

Hverjar eru viðhaldsleiðbeiningarnar fyrir Tesla bifreiðina mína?
Ólíkt bensínbílum þurfa Tesla bílar engin hefðbundin olíuskipti, olíusíur, kertaskipti eða útblástursskoðanir. Frekari upplýsingar um síðuna Viðhald bíls.
Efst á síðu

Hvar finn ég næstu þjónustumiðstöð?
Notaðu gagnvirka kortið okkar til að finna næstu þjónustumiðstöð.
Efst á síðu

Hvernig bóka ég þjónustuskoðun?
Þú getur tímasett eða breytt þjónustutíma gegnum Tesla appið. Þegar þú hefur skráð þig inn í Tesla appið skaltu fletta niður að „Bóka þjónustu“ og velja dagsetningu og stað.
Efst á síðu

Get ég farið á þjónustumiðstöð Tesla erlendis?
Þú getur farið í þjónustumiðstöð Tesla þegar þú ferðast utan búsetulands þíns. Þú gætir fengið takmarkaða eiginleika og aðstoð. Skoðaðu Ökutækisábyrgð til að fá frekari upplýsingar um þjónustu sem veitt er erlendis.
Efst á síðu

Hvað gerist ef rafhlaðan tæmist?
Ef rafhlaðan tæmist og þú nærð ekki á hleðslustöð eða ef Tesla bifreiðin þín hefur ekki verið í sambandi í lengri tíma skaltu hafa samband við tryggingafélagið þitt til að láta draga bílinn.
Efst á síðu

Hvað gerist ef springur á dekki?
Ef mögulegt er mun vegaaðstoð koma á staðinn þar sem þú ert og setja lánsdekk undir Tesla bifreiðina þína. Ef lánsdekkjaþjónustan er ekki tiltæk getur samstarfsaðili okkar í vegaaðstoð ekið þér að næstu þjónustumiðstöð eða dekkjaverkstæði innan 80 km frá þeim stað þar sem bilunin varð.
Við viljum bara nefna það að við mælum með því að þú hafir með þér loftpumpusett—hægt er að kaupa það á næstu þjónustumiðstöð.
Efst á síðu

Hvernig fæ ég hugbúnaðaruppfærslur?
Frekari upplýsingar um þráðlausar hugbúnaðaruppfærslur.
Efst á síðu

Afpantanir

Hvernig get ég hætt við bókun eða pöntun?
Til að hætta við pöntunina skaltu hafa samband við Tesla Advisor.
Efst á síðu

Hversu langan tíma tekur að vinna úr afpöntun?
Við reynum að vinna úr afpöntunarbeiðnum eins fljótt og kostur er. Afpöntunarferlið getur tekið allt að 30 daga.
Efst á síðu

Hleður

Hvernig get ég hlaðið Tesla bifreiðina mína heima?
Þú getur hlaðið Tesla heima eða í vinnunni með Tesla vegghleðslustöð. Frekari upplýsingar um uppsetningu á heimahleðslu.
Efst á síðu

Hvar get ég hlaðið Tesla bifreiðina mína á langkeyrslu?
Sem Tesla eigandi hefurðu aðgang að stærsta hleðsluneti í heimi. Skoðaðu ferðaleið með Trip Planner.
Efst á síðu

Get ég bara notað Supercharger hraðhleðslustöð og sleppt því að hlaða heima?
Það er alltaf best að hlaða heima við. Settu í samband þegar þú kemur heim og þá vaknarðu með fulla hleðslu. Mörg orkufyrirtæki bjóða upp á lægra verð á rafmagni að nóttu til og hvetja þannig til heimahleðslu.
Efst á síðu

Hvað er hleðsla á áfangastað?
Við eigum í samstarfi við hótel, ferðamannastaði, veitingastaði og aðra staði í þjónustugeiranum um að bjóða upp á hleðslu á þægilegum stöðum. Frekari upplýsingar um hleðslu á áfangastað.
Efst á síðu

Hvernig nota ég Supercharger?
Skoðaðu vídeó okkar með leiðbeiningum um Supercharger hraðhleðslu eða skoðaðu Algengar spurningar um Supercharger hraðhleðslu.

Model S
Model X
Model 3

Efst á síðu

Hvernig get ég hámarkað afl á Supercharger-staðsetningum?
Skoðaðu algengar spurningar um Supercharger hraðhleðslu til að fá frekari upplýsingar.
Efst á síðu

Hvað er biðgjald?
Biðgjöld gilda um alla bíla sem nota Supercharger ef stöðin er að minnsta kosti 50% fullnýtt og þegar hleðslulota er búin. Ef bíllinn er færður innan 5 mínútna eftir að hleðslulota er búin er gjaldið fellt niður. Þetta er eingöngu gert til að auka ánægju viðskiptavina og við vonumst til að fá aldrei neinar tekjur af þessu. Frekari upplýsingar um biðgjöld.
Efst á síðu

Hvernig greiði ég fyrir Supercharger hraðhleðslu eða biðgjöld?
Þú getur framkvæmt einskiptisgreiðslu gegnum Tesla snertiskjáinn í bílnum eftir hverja Supercharger hraðhleðslulotu eða skráð þig inn á Tesla reikninginn þinn til að bæta við greiðslumáta fyrir sjálfvirka innheimtu. Til að fá að vita nánar um kostnað skaltu skoða Algengar spurningar um Supercharger hraðhleðslu.
Efst á síðu

Mun Tesla hafa aðgang að hleðslustöðvum þriðju aðila?
Já, þú getur hlaðið Tesla bifreið þína alls staðar þar sem eru universal Type 2 stöðvar. Þú finnur upplýsingar um öll hleðslunet í Evrópu hér. Athugaðu að hleðslukort og áskrift gætu verið áskilin.
Efst á síðu

Hvaða hleðslutengi fylgja með Tesla bifreiðinni minni?
Sjáðu hvaða hleðslutengi koma með bílnum og hvaða hleðslutengi þú getur keypt í yfirliti okkar um hleðslutengi.
Efst á síðu

Passar CCS Combo 2 við Tesla bifreiðina mína?
Til að fá frekari upplýsingar um CCS Combo 2 hleðslu skaltu fara í Algengar spurningar um Supercharger hraðhleðslu.
Efst á síðu

Hvar get ég keypt hleðslubúnað og aukabúnað fyrir ökutækið?
Þú getur keypt aukabúnað í ökutækið í hvaða þjónustumiðstöð Tesla sem er.
Efst á síðu

Tryggingar

Þarf ég að virkja tryggingarnar mínar fyrir afhendingu?
Já, það er lagaleg skylda að vera með virka tryggingu áður en þú færð bílinn afhentan. Athugaðu að trygging fylgir með rekstrarleigu.
Efst á síðu

Ég veit ekki hver afhendingardagurinn er, get ég beðið um tryggingu strax?
Já, þú getur keypt og virkjað tryggingu án afhendingardags.
Efst á síðu

Er Tesla bifreiðin mín með rakningu?
Þú getur vaktað Tesla bifreiðina þína beint gegnum Tesla appið sem notar GPS-staðsetningarkerfið til að staðsetja bílinn þinn. Í öryggispakkanum er innbrotsnemi, hallaskynjari og rafhlöðuknúin viðvörun.
Til að fá frekari upplýsingar skaltu skoða síðuna Öryggiseiginleikar.
Efst á síðu

Vetrardekk

Þarf ég að kaupa vetrardekkjasett með Tesla bifreiðinni minni?
Ef þú pantar vetrardekkjasett með pöntuninni og afhending fer fram að vetri til (15. okt - 15. apr) munum við setja vetrardekkin undir áður en afhending fer fram. Ef þú kaupir ekki vetrardekkjasett með pöntuninni og afhending fer fram að vetri til mun bíllinn vera afhentur á sumardekkjunum. Í þeim tilvikum ber Tesla ekki ábyrgð á afleiðingum sem gætu orðið vegna þess að ekki eru rétt dekk undir bílnum. Skoðaðu reglur í þínu landi til að ákvarða hvort vetrardekk þurfa að vera undir bílnum á afhendingardegi.
Efst á síðu

Hvað fylgir vetrardekkjasetti?
Vetrardekkjasett inniheldur vetrardekk, felgur og dekkjaþrýstingsskynjara.
Efst á síðu

Get ég keypt vetrardekk án felgna?
Nei, við bjóðum bara upp á vetrardekkjasett með dekkjum og felgum.
Efst á síðu

Ég keypti vetrardekk hjá Tesla. Mun Tesla setja þau undir?
Ef afhending fer fram að vetri til (15. okt - 15. apr) munum við setja vetrardekkin undir áður en afhending fer fram.
Efst á síðu

Ég keypti mín eigin vetrardekk. Mun Tesla setja þau undir?
Nei, við setjum bara vetrardekk undir sem keypt eru gegnum Tesla.
Efst á síðu

Hvaða vetrardekk eru í boði í mínu landi?
Það fer eftir tegund bíls og uppsetningu hans en þú getur valið að kaupa dekk sem eru 18”, 19” eða 20”. Þú getur skoðað vetrardekkjaúrvalið þegar þú hannar Tesla bifreiðina þína.
Efst á síðu

Hvernig get ég keypt vetrardekkjasett fyrir afhendingardag?
Þú getur valið vetrardekkjasett þegar þú hannar Tesla bifreiðina þína og áður en þú sendir inn pöntun. Til að bæta vetrardekkjasetti við eftir að þú hefur sent inn pöntun skaltu fara á Tesla reikninginn þinn og síðan í „Breyta hönnun“. Ef þú vilt kaupa vetrardekkjasett og þú hefur nú þegar bókað afhendingu skaltu hafa beint samband við Tesla Advisor.
Efst á síðu

Hvernig get ég keypt vetrardekkjasett eftir afhendingardag?
Þú getur alltaf keypt hvaða dekk sem er í næstu þjónustumiðstöð.
Efst á síðu

Hvað kostar vetrardekkjasett?
Verð á vetrardekkjasetti fer eftir stærð og afhendingarstað. Þú getur skoðað alla kosti sem í boði eru þegar þú hannar Tesla bifreiðina þína.
Efst á síðu

Get ég látið vetrardekkjasett fylgja með í fjármögnun eða kaupleigu vegna bílsins míns?
Ef þú hefur keypt vetrardekkjasett og það fylgir með á lokareikningnum þá geturðu fjármagnað vetrardekkin með bílnum.
Efst á síðu

Ég keypti vetrardekkjasett. Get ég sótt sumar- eða vetrardekkjasettið á afhendingardegi?
Að sumri til verða vetrardekkin sem þú keyptir sett í farangursrými Tesla bifreiðarinnar þinnar þegar þú sækir hana.
Að vetri til verða sumardekk bílsins sett í skottið á Tesla bifreiðinni þinni þegar þú sækir hana.
Athugaðu að einungis 2 geta verið í bílnum við afhendingu.
Efst á síðu



DEILA