Tesla App þjónusta

Ef þú lendir í vandræðum með appið skaltu fylgja eftirfarandi skrefum:

• Skráðu þig inn og út úr appinu
• Slökktu og kveiktu aftur á símanum
• Eyddu appinu og settu það upp aftur

Ef þú lendir í vandræðum með appið geturðu prófað eftirfarandi bilanaleit:

1. Skráðu þig út úr Tesla-appinu og skráðu þig síðan aftur inn með netfanginu sem tengist Tesla-reikningnum þínum.
2. Gakktu úr skugga um að þú sért að nota opinbera Tesla-appið úr App Store eða Google Play.
3. Uppfærðu í nýjustu útgáfu Tesla-appsins.
4. Slökktu á öllum VPN-tengingum og endurræstu snjalltækið.
5. Eyddu appinu og settu það upp aftur.

Athugið: Ef appinu er eytt og það sett upp aftur þarf að para símalykilinn aftur við alla bíla sem símalykill er notaður fyrir.

Þú getur skráð þig inn í Tesla appið með sama netfangi og aðgangsorði og þú notaðir þegar þú sendir inn pöntunina. Ef þú getur ekki skráð þig inn með því netfangi og aðgangsorði geturðu prófað að endurstilla aðgangsorðið.

Ef þú átt í vandræðum með að skrá þig inn með netfanginu þínu er mögulegt að þú hafir sent inn pöntun á öðru netfangi eða stafsett netfangið rangt þegar þú stofnaðir reikninginn þinn. Prófaðu að skrá þig inn með öðrum netföngum sem þú notar reglulega. Ef þú getur enn ekki endurstillt aðgangsorðið skaltu hafa samband við notendaþjónustu.

Fylgdu þessum skrefum til að sjá hvaða útgáfu af Tesla-appinu þú ert með:

1. Opnaðu Tesla appið.
2. Ýttu á valmyndina efst til hægri.
3. Flettu neðst niður. Þar sérðu hvaða útgáfa appið er.

Ef þú sérð bílinn þinn ekki í Tesla-appinu eða lendir í vandamálum með tengingu skaltu fylgja þessum skrefum:

1. Staðfestu að bílnum þínum hafi verið bætt við Tesla-reikninginn þinn. Til að bæta við bíl ýtirðu á valmyndina efst til hægri, ýtir á „Bæta við/fjarlægja vörur“, ýtir því næst á „Ökutæki“ og fylgir leiðbeiningunum.
2. Staðfestu að kveikt sé á símaaðgangi með því að ýta á „Stjórntæki > Öryggi > Leyfa símaaðgang“ á snertiskjá bílsins.
3. Ef vandamálið er viðvarandi skaltu eyða appinu, setja það upp aftur og skrá þig inn aftur.

Athugið: Ef appinu er eytt og það sett upp aftur þarf að para símalykilinn aftur við alla bíla sem símalykill er notaður fyrir.

Símaaðgangur býður upp á tengingu bílsins þíns við snjalltæki. Kveikt og slökkt er á tengingunni á snertiskjá bílsins. Snjalltækið og bíllinn þurfa bæði að vera tengd farsímakerfi.

Kveikt er á símaaðgangi á snertiskjá bílsins með því að ýta á „Stjórntæki > Öryggi > Leyfa símaaðgang“. Þú slekkur á símaaðgangi á snertiskjá bílsins með því að ýta á „Stjórntæki > Öryggi > Leyfa símaaðgang“ og slá inn símanúmerið þitt til öryggisstaðfestingar.

Villan „Slökkt a símaaðgangi“ birtist þegar slökkt er á símaaðgangi í bílnum þínum eða þegar bíllinn er stilltur á þjónustustillingu.

Til að leysa þetta vandamál skaltu prófa eitt af eftirfarandi:

1. Ýttu á „Stjórntæki > Öryggi“ á snertiskjá bílsins og staðfestu að kveikt sé á „Leyfa símaaðgang“.
2. Ef bíllinn þinn er á þjónustumiðstöð Tesla eða er með virka þjónustubókun er hann líklega stilltur á þjónustustillingu. Þjónustustillingin gerir tilteknar aðgerðir í Tesla-appinu tímabundið óvirkar til að tryggja öryggi við viðgerðarvinnu. Þegar þú sækir bílinn þinn skaltu ganga úr skugga um það hjá þjónustuteyminu að slökkt hafi verið á þjónustustilingu og að þú hafir endurheimt símaaðganginn. Ef þú heldur áfram að lenda í vandræðum eftir afhendingu skaltu bóka þjónustu í Tesla-appinu.

Ef þú ert með fleiri en eitt netfang og aðgangsorð skaltu flytja eignarhald á öllum Tesla vörunum þínum yfir á Tesla reikninginn sem þú vilt halda áður en þú eyðir reikningunum sem þú ætlar ekki að nota.

Ef þú eyðir Tesla reikningi glatarðu allri Tesla inneign, ókeypis Supercharger hraðhleðslu eða öðrum kynningarfríðindum sem tengjast viðkomandi reikningi. Áður en þú eyðir Tesla reikningi með kynningarfríðindum skaltu hafa samband við notendaþjónustu.

Þetta getur gerst þegar bíllinn stendur lengi óhreyfður eða þegar of lítil hleðsla er á rafhlöðu bílsins. Ef bíllinn þinn hefur staðið óhreyfður og nær ekki að tengjast Tesla-appinu geturðu vakið bílinn. Hér eru dæmi um aðferðir til að vekja bílinn:

• Opna skottið
• Opna dyr bílsins
• Ýttu á bremsupedalann
• Læsa og aflæsa úr Tesla-appinu

Ef vandamál koma upp við notkun símalykilsins geturðu skoðað hvernig á að bilanagreina lykla Tesla-bíla.

Til að skipta yfir í aðra vöru skaltu strjúka til vinstri á heimaskjánum í ökutækinu eða orkulausninni.

Til að birta kílómetramælinn skaltu opna Tesla-appið og fletta neðst á aðalskjáinn. Þú finnur kílómetramælinn einnig á snertiskjá bílsins með því að velja „Stjórntæki > Hugbúnaður“ eða „Stjórntæki > Ferðir“.

Þú getur skoðað, bætt við eða fjarlægt greiðslumáta hvenær sem er í Wallet í Tesla appinu. Alla greiðslumáta sem tengjast Tesla reikningnum þínum má finna í Wallet.

Til að skoða eða bæta við greiðslumáta í Tesla appinu skaltu fylgja eftirfarandi leiðbeiningum:

1. Ýttu á valmyndina efst til hægri.
2. Ýttu á nafnið þitt og svo á „Veski“.
3. Til að bæta við nýjum greiðslumáta skaltu ýta á „Add“.
4. Til að stilla greiðslumáta sem sjálfgefinn skaltu opna greiðslumátann í Wallet og ýta síðan á „Set as Default“.

Til að fjarlægja greiðslumáta í Tesla appinu skaltu fylgja eftirfarandi leiðbeiningum:

1. Ýttu á valmyndina efst til hægri.
2. Ýttu á nafnið þitt og svo á „Veski“.
3. Ýttu á greiðslumátann sem þú vilt fjarlægja.
4. Ýttu á „Remove“.

Athugaðu: Ef þú ert að fjarlægja greiðslumáta sem nú er notaður við mánaðarlegar greiðslur, til dæmis fyrir Premium-tengingu, verður beðið um að þú veljir annan greiðslumáta áður en fjarlægingu er lokið.

Til að uppfæra Supercharger-greiðslumátann í Tesla appinu skaltu fylgja eftirfarandi leiðbeiningum:

1. Ýttu á valmyndina efst til hægri.
2. Ýttu á „Hleðsla“.
3. Ýttu á „Stjórna greiðslum“.