Ábyrgðarleiðrétting


Birtingardagsetning: 9. nóvember 2020

Ábyrgðarleiðrétting: Íhlutur tengdur snertiskjá – 8 GB innfellt MultiMediaCard (eMMC) í stjórntæki fyrir snertiskjá (e. Media Control Unit (MCU))

Markmið Tesla er að smíða hágæðavörur um leið og við hröðum breytingu heimsins í átt að nýtingu á sjálfbærri orku. Til að tryggja öryggi viðskiptavina betur erum við að auka enn við ábyrgðina á Model S og Model X ökutækjum sem smíðuð voru fyrir mars 2018 og eru með 8 GB innfellt MultiMediaCard („8GB eMMC“) í stjórntækinu. Við vitum að þessi íhlutur getur bilað vegna uppsafnaðrar notkunar. Ef það gerist getur verið að miðjuskjárinn verði auður eða auður með hléum eða að viðvörun birtist sem tilkynnir að minnisgeymslan hafi bilað og að hafa skuli samband við þjónustu. Þetta hefur engin áhrif grunnaksturseiginleika ökutækisins og við vitum ekki af neinum meiðslum eða árekstrum sem þessu tengjast.

Ef ástandið kemur upp í ökutækjum innan 8 ára frá þeim tíma sem ökutækið var fyrst notað eða afhent af Tesla til fyrsta kaupanda/leigjanda og ökutækið er með minna en 160.000 heildarkílómetra („Tímabil ábyrgðarleiðréttingar“) mun Tesla gera við eða skipta út 8 GB eMMC ókeypis á hvaða þjónustumiðstöð Tesla sem er meðan á tímabili ábyrgðarleiðréttingar stendur í samræmi við skilmála upphaflegrar grunnábyrgðar ökutækisins. Tesla mun einnig gera við eða skipta út eMMC sem skipt var út samkvæmt þessari ábyrgðarleiðréttingu ef ástand þess er hið sama meðan á tímabili ábyrgðarleiðréttingar stendur.

Ábyrgðarleiðréttingin gildir bara um Model S og Model X ökutæki sem smíðuð voru fyrir mars 2018. Model S og Model X ökutæki sem smíðuð voru í mars 2018 eða síðar og allar Infotainment-uppfærslur eru ekki með 8 GB eMMC og hlutar aðrir en 8 GB eMMC heyra ekki undir ábyrgðarleiðréttinguna. Greining eða viðgerð á öðru ástandi en hlutnum og ástandinu sem lýst er að ofan heyra ekki undir þessa ábyrgðarleiðréttingu.

Ef þú átt Model S eða Model X sem ábyrgðarleiðréttingin nær til þarftu ekki að grípa til neinna aðgerða sem stendur og þú getur haldið áfram að keyra ökutækið. Til að upplifun þín verði sem best skaltu passa að Tesla bifreiðin þín keyri á nýjustu hugbúnaðarútgáfunni.

Ef þú greiddir áður fyrir viðgerðir á þessum ákveðna íhlut vegna þess ástands sem lýst er í þessari tilkynningu gætirðu átt rétt á endurgreiðslu að uppfylltum ákveðnum skilmálum. Tesla mun, innan 90 daga, senda þér aðra tilkynningu sem lýsir nánar gjaldgengi í endurgreiðslu, skilmálum og hvernig á að fara fram á endurgreiðslu. Hafðu í huga að viðgerðir á hlutnum og ástandinu sem lýst er að ofan hjá þjónustuveitanda sem ekki er Tesla meira en 10 dögum eftir dagsetningu þessarar tilkynningar eru ekki gjaldgengar í endurgreiðslu.

Takk fyrir að vera viðskiptavinur Tesla. Við viljum að þú njótir alls þess besta sem ökutækið þitt hefur upp á að bjóða og biðjumst velvirðingar á óþægindunum. Ef þú hefur spurningar skaltu skoða Algengar spurningar hér að neðan eða hafa samband gegnum Tesla reikninginn þinn eða á netinu.

TESLA, INC.

Efst á síðu

Algengar spurningar

Hvað er vandamálið og hvaða áhrif hefur það á ökutækið mitt?
Við vitum af bilunum í sumum eldri stjórntækjum okkar vegna slits á 8 GB innfellda MultiMediaCard (eMMC) í Model S og Model X ökutækjum sem smíðuð voru fyrir mars 2018. eMMC styður miðjuskjá ökutækisins og bilun í 8 GB eMMC gæti valdið því að miðjuskjárinn verði auður eða auður með hléum og/eða valdi ökutækisviðvörun sem varar við minnisgeymslubilun.

Ökutækið er fyllilega ökuhæft þó að eMMC bili og þetta hefur engin áhrif á hröðun, hemlun eða stýriseiginleika en þú gætir misst aðgang að eiginleikum sem voru aðgengilegir gegnum miðjuskjáinn.

Á hvaða ökutæki hefur þetta áhrif?
Model S og Model X ökutæki sem smíðuð voru fyrir mars 2018 gætu lent í vandamálum tengd biluðu eMMC vegna uppsafnaðs slits.

Hvað ökutæki heyra undir þessa ábyrgðarleiðréttingu?
Þessi ábyrgðarleiðrétting nær til allra ökutækja um heim allan sem eru með 8 GB eMMC í ökutækjum innan 8 ára frá þeim tíma sem ökutækið var fyrst afhent til fyrsta eiganda eða 160.000 heildarkílómetra, hvort sem kemur fyrst („Tímabil ábyrgðarleiðréttingar“), í samræmi við skilmála upphaflegrar grunnábyrgðar ökutækisins. Til að vera gjaldgeng(ur) í ábyrgðarleiðréttinguna þarf 8 GB eMMC ökutækisins að vera með bilun vegna uppsafnaðs slits meðan á tímabili ábyrgðarleiðréttingar stendur. Skoðun og greining á ökutæki af hálfu þjónustu Tesla, þegar vart verður við þau einkenni sem lýst er að ofan, geta staðfest gjaldgengi ökutækisins.

Býðst Tesla til að gera við eða skipta út hlutnum?
Já. Tesla mun greina ökutækið þitt til að sjá hvort 8 GB eMMC er að bila vegna uppsafnaðs slit og hvort rétt sé að gera við eða skipta út íhlutnum. Ef Tesla ákvarðar að skipta þurfi út 8 GB eMMC vegna ástands íhlutarins mun Tesla skipta íhlutunum út, ókeypis, og setja í staðinn endurbætt 64 GB eMMC til að endurheimta upprunalega virkni snertiskjásins. Eftir skiptin mun ökutækið halda NVIDIA® Tegra® afþreyingarörgjörvanum.

Greining eða viðgerð á öðru ástandi en hlutnum og ástandinu sem lýst er að ofan heyra ekki undir þessa þjónustu. Greining og viðgerð sem eru gjaldgeng samkvæmt þessari ábyrgðarleiðréttingu þarf að vera í höndum Tesla, nema hvað varðar eldri viðgerðir sem eru gjaldgengar í endurgreiðslu (sjá spurninguna hér að neðan fyrir frekari upplýsingar).

Er þetta sama þjónustuaðgerðin og Infotainment-uppfærsla Tesla?
Nei. Uppsetning á 64 GB eMMC hefur í för með sér að afþreyingarörgjörvinn NVIDIA® Tegra® er áfram í ökutækinu; þetta er eini þjónustuhlutinn sem ábyrgðarleiðréttingin tekur til og er aðskilinn frá Infotainment-uppfærslunni. Infotainment-uppfærslan breytir afþreyingarörgjörvanum í Intel Atom® og hefur í för með sér að öðrum hlutum er skipt út.

Er þetta innköllun?
Nei. Þetta er ekki innköllun. Þetta hefur engin áhrif á grunnaksturseiginleika ökutækisins og við vitum ekki af neinum meiðslum eða árekstrum sem tengjast þessu ástandi 8 GB eMMC.

Ég fékk tilkynningu um að ökutækið mitt heyri undir þessa þjónustu. Hvað geri ég næst?
Ef þú ert skráður eigandi þarftu ekki að grípa til neinna aðgerða sem stendur og þú getur haldið áfram að keyra ökutækið. Ekki bóka tíma hjá Tesla í þjónustu eftir tilkynningu sem tengist þessari tilkynningu nema að þú upplifir þá bilun sem ábyrgðarleiðréttingin tekur til.

Til að upplifun þín verði sem best mælum við með því að þú keyrir nýjasta hugbúnaðinn sem í boði er fyrir ökutækið þitt. Skoðaðu „Hugbúnaðaruppfærslur“ í eigendahandbókinni.

Ökutækið mitt fellur undir þjónustuna en miðlægi snertiskjárinn virkar sem stendur. Get ég fengið viðgerð núna áður en eMMC bilar?
Nei. Ekki öll eMMC munu bila vegna uppsafnaðs slit meðan á tímabili ábyrgðarleiðréttingar stendur. Einungis ökutæki þar sem eMMC bilar vegna uppsafnaðs slits meðan á tímabili ábyrgðarleiðréttingarinnar stendur heyra undir þjónustuna og geta fengið viðgerð eða skipti á íhlut.

Ég greiddi fyrir viðgerð eða lét skipta út stjórntækjum vegna ástandsins sem lýst er. Get ég fengið endurgreitt?
Ef þú greiddir áður fyrir viðgerð á þessum ákveðna hlut og ástandi hans sem heyrir undir ábyrgðarleiðréttinguna og greidda viðgerðin féll undir tímabil ábyrgðarleiðréttingarinnar gætirðu átt rétt á endurgreiðslu háð ákveðnum skilmálum.

Við munum hafa samband við eigendur viðkomandi ökutækja með frekari upplýsingum um gjaldgengi endurgreiðslna, skilmála og hvernig hægt er að sækja um endurgreiðslur fyrir eða í febrúar 2021.

Hvað ef ökutækið mitt lendir í þessu ástandi og tímabil ábyrgðarleiðréttingarinnar er liðið?
Ef ökutækið þitt lendir í þessu ástandi og tímabil ábyrgðarleiðréttingarinnar er liðið mun Tesla ekki bera ábyrgð á viðgerðinni heldur þú.

Kostnaðurinn við þessa viðgerð í þjónustumiðstöð Tesla er nú 17177 kr. fyrir varahluti (háð breytingum) og um 1-1,5 vinnutímar, plús viðeigandi skattar og gjöld eftir staðsetningu þinni.

Ég valdi að kaupa Infotainment-uppfærsluna, fæ ég endurgreiðslu frá Tesla?
Ef þú greiddir fyrir Infotainment-uppfærslu Tesla eftir að þjónusta Tesla greindi að eMMC ökutækis þíns væri að bila vegna uppsafnaðs slits gætirðu fengið endurgreiðslu allt að þeirri upphæð sem kostaði að gera við 8 GB eMMC þegar uppfærslan var gerð.

Frekari upplýsingar um gjaldgengi í endurgreiðslu, skilmála og hvernig hægt er að biðja um endurgreiðslur verða tilækar í febrúar 2021 eða fyrr.

Af hverju er Tesla að gera þetta?
Til hægðarauka fyrir þig ætlar Tesla að veita eigendum viðbótarábyrgð tengda bilunum vegna þessa ástands.

Efst á síðu

DEILA