Öruggari í Tesla-bíl
Mark, Nóvember 24, 2025
Við fjölskyldan höfðum gotið aðdáunaraugum að Tesla í mörg ár áður en við keyptum loks okkar fyrsta Model 3 árið 2022.
Vitneskjan um að Model 3 væri með fimm stjörnu öryggiseinkunn spilaði stóra rullu í ákvarðanatöku okkar. Þetta er einn af þessum hlutum sem þú áttar þig ekki fyllilega á fyrr en þú lendir í aðstæðum þar sem þetta skiptir raunverulegu máli.
Óhapp í akstri
Ég var á heimleið eftir vinnudag í Glastonbury og ók á 50 míl./klst. hraða eftir vegi með miklum trjágróðri beggja vegna þegar ég heyrði mikinn hávaða fyrir ofan mig. Á þeirri stundu sveigðist framrúðan inn og brotnaði. Mér krossbrá og ég nauðhemlaði.
Þegar ég hafði náð að stöðva bílinn á öruggum stað sá ég að stór trjágrein hafði fallið á þak bílsins og lokaði nú fyrir umferð í báðar áttir á vegi A.
Það var ótrúlegt að sjá hversu mikið farþegarými Model 3 hafði haldið lögun sinni. Ég er viss um að það hafi bjargað lífi mínu. Mér finnst ég lukkunnar pamfíll að hafa sloppið með minniháttar skurði og marbletti.
Tryggð haldið við einn öruggasta rafbíl í heimi
Eftir þessa reynslu var ég þess fullviss um að næsti bíll sem við kaupum verði enn á ný Tesla. Aðrir bílar koma ekki til greina hjá okkur.
Skömmu síðar heimsóttum við verslunina í Cambridge. Þar veitti starfsfólkið okkur ótrúlega góða þjónustu og gaf sér tíma til að svara öllum spurningum okkar. Eftir reynsluakstur ákváðum við að kaupa nýjan Model Y sem bauð upp á gott rými og frábær afköst fyrir ferðalög fjölskyldunnar um Bretland og Evrópu.
Við eigum svo sannarlega eftir að sakna Model 3-bílsins okkar, en erum nú þegar að skipuleggja næsta ævintýri okkar í Evrópu og hlökkum til að búa til nýjar minningar í Model Y-bílnum okkar.
Tesla-bílar eru hannaðir til að vera með öruggustu bílum sem í boði eru. Í þeim koma saman árekstraröryggisbúnaður, sterk yfirbygging og aksturöryggisbúnaðar á borð við árekstrarvörn að framan.
Í ár fékk Model Y fimm stjörnu öryggiseinkunn hjá Euro NCAP, þökk sé akstursöryggis- og árekstraröryggisbúnaðinum.
Merki: Model Y