Tenging við Wi-Fi

Við mælum með því að þú hafir Tesla-bílinn þinn tengdan við Wi-Fi net á meðan þú ert heima hjá þér þar sem sumir eiginleikar, t.d. korta- og hugbúnaðaruppfærslur, krefjast stöðugrar og áreiðanlegrar tengingar.

Fylgdu eftirfarandi skrefum til að tengja Tesla-bílinn þinn við Wi-Fi net:

1. Ýttu á „Stjórntæki“ og síðan á Wi-Fi táknið á snertiskjá bílsins.
2. Veldu Wi-Fi netið sem þú vilt nota og sláðu inn aðgangsorðið, ef þörf er á.

Þegar þú hefur tengst Wi-Fi neti tengist bíllinn sjálfkrafa við það net í hvert sinn sem hann er innan sendisviðs þess.

Þú getur tengt bílinn þinn við farsímaaðgangsstað með því að kveikja á aðgangsstaðnum í snjalltækinu þínu og fylgja skrefum fyrir tengingu við Wi-Fi. Til að halda tengingu við Wi-Fi aðgangsstaðinn þegar sett er í framgír eða bakkgír skaltu velja tenginguna á skjámynd Wi-Fi stillinga og ýta síðan á „Halda tengingu í akstri“.

Ef þú getur ekki tengt Tesla-bílinn þinn við Wi-Fi net skaltu athuga eftirfarandi:

• Wi-Fi netið virkar
  Staðfestu með því að tengja annað tæki við sama net.
• Bíllinn er innan sendisviðs Wi-Fi netsins
  Þú gætir þurft að færa bílinn nær ef hann er utan sviðs.
• Þú ert að nota rétt Wi-Fi net og aðgangsorð

Ef Wi-Fi netið virkar og bíllinn þinn er innan sendisviðs þess en þú getur samt sem áður ekki tengst skaltu fylgja eftirfarandi skrefum:

1. Ýttu á Wi-Fi táknið efst til hægri á snertiskjá bílsins.
2. Slökktu og kveiktu aftur á Wi-Fi í bílnum þínum.
3. Fylgdu skrefunum fyrir tengingu við Wi-Fi.

Ef þú getur enn ekki tengt bílinn við Wi-Fi net skaltu bóka þjónustu.