Autobidder er viðskipta- og stjórnunarkerfi sem vinnur í rauntíma og gerir óháðum orkuframleiðendum, veitufyrirtækjum og fjármagnseigendum kleift að afla tekna af Megapack-stöðvum á sjálfvirkan hátt á heildsölumörkuðum fyrir raforku.
Verðmæti Megapack hámarkað með Autobidder
Autobidder er tekjuhámörkunarþjónusta Tesla fyrir Megapack-verkefni á heildsölumörkuðum fyrir orku.
Bein samþætting við Megapack einfaldar innleiðingu Autobidder, sem notar háþróaðar spár um orkuverð, álagsspár og framleiðsluspár til að búa til og gefa út tilboð sem hámarka verðmæti orkugeymsluverkefna. Innanhússteymi verkfræðinga á sviði vélnáms og fínstillingar sér um eftirlit með árangri, hefur yfirumsjón með markmiðum verkefna og fylgist með markaðsaðstæðum.
Þegar horft er til meira en 30 verkefna á heimsvísu, og þeirra rúmlega 10 GWh sem þeim tengjast, raðast svæði þar sem Autobidder er notað stöðugt í efsta fjórðung viðkomandi markaða hvað varðar tekjuöflun.
Eigendur Megapack-verkefna á orkumörkuðum um allan heim velja Autobidder af eftirfarandi ástæðum:
- Lóðrétt samþætting við Megapack: Autobidder einfaldar innkaup hjá Tesla með því að vera samningsaðili fyrir vélbúnað, rekstur, viðhald og fínstillingu tekna. Þetta skilar sér í að þú sérð eina verkefnisáætlun, með samræmdum skilmálum og einum samstarfsaðila til langs tíma.
- Samþykkt í bönkum: Autobidder er í boði sem fínstillingarþjónusta með tekjutryggingum, sem auðveldar fjármögnun verkefna og skuldahlutföll.
- Árangur: Svæði sem nota Autobidder eru samfellt meðal efstu aðila á sínum mörkuðum, þar sem byggt er á langri reynslu Tesla á markaði og sérfræðiþekkingu á rafhlöðum hjá Tesla.
Áætlunum breytt í verkefni með tryggðum tekjum
Opnaðu fyrir fleiri verkefni með því að semja um framtíðartekjur með sveigjanlegum tekjutryggingum Autobidder, sem eru studdar af efnahagsreikningi Tesla.
Þegar viðskiptavinir velja tekjutryggingu fyrir Megapack-verkefnið sitt tryggja þeir sér bæði lágmarksárstekjur fyrir verkefnið sitt og hlutdeild í umframhagnaði. Tekjutryggingar eru samþykktar í bönkum og studdar af efnahagsreikningi Tesla, sem býður upp á þá vissu sem þarf til að fara frá viðskiptaáætlun yfir í rekstur.
Tekjutryggingar veita eigendum verkefna aðgang að:
- Fjármögnun verkefna: Tekjutryggingar Tesla bjóða upp á samningsbundnar tekjur sem samþykktar eru í bönkum, sem dregur úr áhættu og bætir skuldahlutföll verkefna.
- Ávinningi við aukna eftirspurn: Njóttu ávinnings með Autobidder þegar markaðsaðstæður eru hagstæðar
- Vörn gegn minni eftirspurn: Verðu tekjur gegn óhagstæðum markaðsskilyrðum og dragðu úr áhættu
Tesla vinnur með þér á öllum stigum, hvort sem er uppsetningu vélbúnaðar, vinnu við að uppfylla kröfur staðbundinna raforkumarkaða og stjórnun rekstrar sem er fínstilltur með Autobidder.
Dregið úr flækjustigi og öryggi tryggt
Tesla er lóðrétt samþættur samstarfsaðili þinn til langs tíma á sviði vélbúnaðar, þjónustu og fínstillingar, sem dregur úr flækjustigi í Megapack-verkefnum.
Svæði þar sem Autobidder er notað halda einnig sömu orkugeymsluábyrgðum og viðhaldssamningum, sem einfaldar skilmála og samninga. Autobidder er hýst í skýi Tesla og keyrir þar umfangsmikla útreikninga með innbyggðu netöryggi.
Aðgangur að öllum möguleikum Megapack
Hafðu samband til að fá frekari upplýsingar um Autobidder og hvernig þú hefst handa.