Áskriftir að fullri sjálfkeyrslugetu

Full sjálfkeyrslugeta býður upp á pakka með háþróuðum akstursaðstoðarbúnaði og -eiginleikum sem auka öryggi og þægindi við akstur og veita stuðning við akstur Tesla-bílsins við ýmiss konar akstursaðstæður. Full sjálfkeyrslugeta aðstoðar við akreinaskipti, akstur við flóknari aðstæður og á bílastæðum, þar sem hún ekur fram hjá hindrunum, eftir þörfum, til að komast til þín og fleira.

Full sjálfkeyrslugeta er í boði sem mánaðaráskrift. Þú getur keypt áskrift í Tesla-appinu. Ef þú ert að panta nýjan Tesla-bíl geturðu aftur á móti einfaldlega bætt áskriftinni við þegar þú sendir inn pöntun.

Athugaðu: Aðgengi að fullri sjálfkeyrslugetu, sem og einstökum búnaði og eiginleikum, fer eftir uppsetningu bíls, vélbúnaði, hugbúnaðarútgáfu, landi, svæði, samþykki eftirlitsaðila, gerð, útfærslu og árgerð. Verð endurspeglar mánaðarlega áskrift, samkvæmt skilmálum. Verð og framboð búnaðar og eiginleika geta tekið breytingum. Frekari upplýsingar er að finna í áskriftarsamningnum.

Algengar spurningar

Algengar spurningar Sýna allt Fela allt

Ef þú ert að panta nýjan Tesla-bíl geturðu einfaldlega bætt áskriftinni við þegar þú sendir inn pöntun.

Ef þú átt nú þegar Tesla-bíl geturðu keypt áskrift í Tesla-appinu.

Fylgdu eftirfarandi skrefum til að kaupa áskrift í Tesla-appinu:
1. Opnaðu Tesla appið.
2. Ýttu á „Uppfærslur“.
3. Ýttu á „Hugbúnaðaruppfærslur“.
4. Ýttu á gátreitinn hjá „Full sjálfkeyrslugeta.“
5. Ýttu á „Áskrift“.
Athugaðu: Aðeins Tesla-reikningurinn sem á bílinn getur keypt áskrift í Tesla-appinu. Keyra þarf hugbúnaðaruppfærslu í bílnum áður en búnaður og eiginleikar fullrar sjálfkeyrslugetu eru í boði.
Þú getur staðfest að þú uppfyllir skilyrði fyrir áskrift í Tesla-appinu með því að fylgja þessum skrefum:
1. Opnaðu Tesla appið.
2. Ýttu á „Uppfærslur“.
3. Ýttu á „Hugbúnaðaruppfærslur“.
4. Ef þú uppfyllir nauðsynleg skilyrði sérðu áskriftarvalkost.
Full sjálfkeyrslugeta og full sjálfkeyrsla (undir eftirliti) eru aðskildir pakkar. Ef þú ert með áskrift að fullri sjálfkeyrslugetu fyrir bílinn þinn mun áskriftin þín uppfærast sjálfkrafa í fulla sjálfkeyrslu (undir eftirliti) án viðbótarkostnaðar þegar bíllinn þinn:
- Uppfyllir skilyrði fyrir fulla sjálfkeyrslu (undir eftirliti) í kjölfar samþykktar opinberra eftirlitsaðila í þínu landi eða á þínu svæði.
- Uppfyllir kröfur fyrir fulla sjálfkeyrslu (undir eftirliti), þar á meðal vélbúnaðar- og hugbúnaðaruppfærslur.
Við munum tilkynna þér fyrirfram þegar full sjálfkeyrsla (undir eftirliti) er í boði og þú munt geta sagt áskriftinni upp á þeim tíma. Þegar full sjálfkeyrsla (undir eftirliti) er í boði þarft þú að setja nýjustu hugbúnaðaruppfærsluna upp í bílnum þínum.
Í gegnum fulla sjálfkeyrslugetu hefur þú aðgang að Autopark, Summon og fleiru. Sjáðu hvað fylgir pakkanum með fullri sjálfkeyrslugetu.

Búnaður og eiginleikar fullrar sjálfkeyrslugetu sem þú hefur aðgang að ráðast af uppsetningu bílsins og staðsetningu. Ekki er allur búnaður og eiginleikar í boði á öllum mörkuðum, allt eftir samþykki eftirlitsaðila og annarra þátta, auk þess sem þeir geta tekið breytingum.

Athugaðu: Full sjálfkeyrslugeta krefst virkar athygli ökumannsins og gerir bílinn ekki sjálfstýrðan. Þú þarft að hafa vakandi auga með veginum og vera reiðubúin(n) að grípa inn í. Þú berð ávallt ábyrgð á akstrinum. Frekari upplýsingar er að finna í eigendahandbókinni á snertiskjá bílsins sem opnuð er með því að ýta á „Stjórntæki > Þjónusta > Eigendahandbók“.
Þú getur sagt áskriftinni upp hvenær sem er í Tesla appinu. Mánaðarlegum áskriftargreiðslum verður ekki skipt hlutfallslega. Þegar búið er að vinna uppsögn þín hefurðu áfram aðgang að búnaði og eiginleikum út eftirstandandi gildistíma greiðslutímabilsins.

Fylgdu eftirfarandi skrefum til að segja upp áskrift í Tesla-appinu:
1. Opnaðu Tesla appið.
2. Ýttu á „Uppfærslur > Stjórna > Full sjálfkeyrslugeta“.
3. Ýttu á „Segja upp áskrift“.

Efst á síðu