Skoðun á tengikapli í skottloki á Model 3

Allir eigendur geta skoðað hvort þetta hefur áhrif á VIN-númer bifreiðar þeirra með því að nota annaðhvort Tesla VIN Recall Search eða NHTSA VIN Recall Search tólið.

Í ákveðnum Model 3 ökutækjum er tengikapall af coax gerð sem streymir úr baksýnismyndavélinni yfir í senertiskjáinn. Með tímanum getur endurtekin opnun og lokun á skottloki valdið óhóflegu sliti á tengikaplinum. Ef slit veldur því að kjarni kapalsins aðskilst hættir streymi úr baksýnismyndavélinni. Áætlað hlutfall ökutækja þar sem þetta á við er undir 1%.

Við vitum ekki af neinum árekstrum eða slysum sem tengjast þessu ástandi. En ef slit gerir að verkum að kjarni kapalsins aðskilst verður baksýnismyndavélin ekki lengur tiltæk og það getur haft áhrif á útsýni bílstjóra að aftan

Ef bakkmyndavélin dettur út geturðu haldið áfram að bakka bílnum með því að horfa aftur fyrir bílinn og nota speglana.

Sem stendur þarftu ekki að bóka tíma. Við munum hafa samband þegar varahlutir verða tiltækir á þínu svæði.

Þjónustudeild Tesla mun leita eftir sliti á leiðslunum í skotti bílsins, þér að kostnaðarlausu. Ef sammiðja leiðarinn er slitinn en ekki skemmdur mun þjónustudeild Tesla setja upp hlíf til að koma í veg fyrir frekara slit. Ef slitið er of mikið mun þjónustudeild Tesla skipta um leiðarann og setja upp hlíf.

Það tekur innan við 5 mínútur að skoða og setja varnarhlíf á kapalinn. Ef skipta þarf út tengikaplinum tekur viðgerðin um 40 mínútur.