Ábendingar um drægni

Tesla-bílar bjóða upp á einhverja mestu drægni rafknúinna ökutækja á markaðnum. Drægni er áætluð vegalengd sem Tesla-bíllinn þinn getur ekið á einni hleðslu. Þú getur valið að birta drægnina annaðhvort sem hlutfall eftirstandandi hleðslu á rafhlöðunni eða sem áætlaðan kílómetrafjölda sem hægt er að aka í viðbót.

Þegar drægni er sýnd í kílómetrum er hún byggð á prófunargögnum frá vottun eftirlitsaðila (EPA), ekki á þínum persónulega akstri. Eðlilegt er að birt drægni í bílnum þínum breytist eða minnki ekki í takti við raunverulega ekna vegalengd, þar sem hún endurspeglar sparneytni samkvæmt EPA-flokkun. Raunveruleg drægni ræðst aftur á móti af hraða, aksturslagi, veðri, landslagi og öðrum þáttum sem hafa áhrif á orkunotkun bílsins. Fylgstu með raunverulegri drægni í orkuappinu á snertiskjá bílsins.

Orkuappinu á snertiskjá bílsins er ætlað að auðvelda þér að hámarka sparneytni og drægni. Orkuappið gerir þér kleift að:

• Fylgjast með hversu mikla orku bíllinn þinn notar við akstur og í kyrrstöðu
• Sjá hversu mikil orka fer til mismunandi hluta bílsins, aksturslag og umhverfisaðstæður
• Bera raunverulega orkunotkun saman við akstursáætlunina og rafhlöðumælinn
• Fá sérsniðnar tillögur um sparneytnari orkunotkun út frá aksturslagi þínu
• Bera saman orkunotkun bílsins við akstur síðustu 15, 150 eða 300 km, ásamt áætlaðri drægni út frá meðalnotkun yfir valda vegalengd

Til að opna Energy-appið skaltu opna apps-valmyndina á snertiskjánum í ökutækinu og velja Energy-táknið.

Aksturslag þitt og umhverfið hafa mikil áhrif á raunverulega drægni bílsins.

Þegar þú ekur skaltu hafa í huga algengar ástæður þess að drægni getur minnkað hratt:

• Hraður akstur: Akstur á miklum hraða notar mun meiri orku vegna síaukinnar loftmótstöðu. Auk þess er orka hraða í réttu hlutfalli við hraðann í öðru veldi. Til dæmis getur tvöföldun hraða krafist allt að fjórfalt meiri orku á hverja mílu, sem dregur verulega úr drægni bílsins.
• Snögg hröðun og hemlun: Snögg hröðun eyðir umtalsvert meiri orku en hæg hraðaaukning og snögg hemlun getur dregið úr skilvirkni hleðsluhemlunar, sem endurheimtir orku og skilar henni aftur í rafhlöðuna. Miðaðu að jöfnum akstri til að hámarka sparneytnina.
• Felgur og hjólbarðar: Felgur og hjólbarðar frá öðrum framleiðendum uppfylla hugsanlega ekki kröfur Tesla um loftmótstöðu og snertiviðnám. Auk þess skaltu hafa Aero-hlífarnar á felgunum, ef þær fylgja með bílnum, og viðhalda ráðlögðum loftþrýstingi í dekkjunum. Viðmið um loftþrýsting er að finna á miðjustoðinni ökumannsmegin.
• Óblítt veður: Mót- og hliðarvindur eykur loftmótstöðu, á meðan kuldi, rigning og snjór geta aukið snertiviðnám hjólbarðanna.
• Tíð stopp við mjög hátt eða lágt hitastig: Akstur með tíðum stoppum og stuttar ökuferðir krefjast þess að hitastýringin sé lengur í gangi þegar bíllinn er kyrrstæður. Þetta skapar aukið álag á rafhlöðuna við að hita eða kæla farþegarýmið og rafhlöðuna sjálfa, auk orkutaps vegna tíðrar hröðunar og minni skilvirkni við endurheimt orku. Til dæmis er hleðsluhemlun takmörkuð í miklum kulda.
• Akstur upp halla: Hækkun krefst viðbótarorku til að yfirvinna þyngdaraflið, líkt og í bílum með eldsneytisvél.
• Aukabúnaður: Toppgrindur, hjólafestingar, eftirvagnar og annar aukabúnaður sem hefur áhrif á loftmótstöðu bílsins eykur orkunotkun verulega, sérstaklega á meiri hraða. Fjarlægðu þetta þegar þess er ekki þörf.
• Aukin loftmótstaða: Lokaðu gluggum og stilltu loftfjöðrun (ef slíkt er í boði) í „Lág“ eða „Mjög lág“ þegar ekið er á meiri hraða. Setjið Aero-felguhlífar á bíla með Aero-felgur.
• Farangur: Viðbótarþyngd vegna farangurs eða ónotaðs aukabúnaðar krefst meiri orku til að auka og halda hraða, sem dregur úr heildarsparneytni.

Kuldi eykur snertiviðnám hjólbarða, sem getur haft merkjanleg áhrif á drægni bílsins. Þessar breytingar eru oft meira áberandi en í eyðslusamari ökutækjum, svo sem bílum með eldsneytisvélar.

Til viðbótar við þetta myndar rafknúin aflrás Tesla-bílsins þíns minni hita samanborið við ökutæki með eldsneytisvél. Þar af leiðandi notar bíllinn þinn orku frá rafhlöðunni til að hita upp farþegarýmið og það hefur áhrif á drægni. Ef varmadæla er til staðar fínstillir hún þetta ferli með því að endurheimta hita úr íhlutum bílsins, sem dregur úr orkunotkun.

Þrátt fyrir að ekki sé hægt að koma alveg í veg fyrir áhrif kulda, en þó er hægt að draga úr þeim á nokkra vegu. Íhugaðu eftirfarandi venjur til að bæta sparneytni miðstöðvar bílsins:

• Stilltu hitastýringuna og hita í sæti og stýri á „Sjálfvirkt“ og stilltu hitastigið eftir þörfum. Þetta lágmarkar muninn gagnvart hitanum utandyra og stillir hitastigið í hitastýringunni til að draga úr orkunotkun.
• Minnkaðu afl hröðunarstillingarinnar á snertiskjá bílsins með því að ýta á „Stjórntæki > Fótstig og stýri > Hröðun“. Þetta gerir hitadælunni kleift að taka meiri hita frá rafhlöðunni og hita farþegarýmið upp á skilvirkan hátt í stað þess að viðhalda getu rafhlöðunnar til að veita hámarkshröðun. „Chill“ er orkunýtnasta stillingin, sérstaklega þegar kalt er í veðri. Þú getur kynnt þér aðrar hröðunarstillingar sem í boði eru í Tesla-bílnum þínum í eigendahandbókinni.
• Undirbúðu rafhlöðuna áður en þú svissar á Tesla-bílinn þinn. Stingdu bílnum í samband og hladdu á meðan, þegar það er hægt. Undirbúningur hitar upp rafhlöðuna og gerir hitadælukerfinu kleift að nýta hitann í rafhlöðunni til að hita farþegarýmið og rafhlöðuna við akstur.

Ef þú býst við að aka þegar kalt er í veðri skaltu fylgja þessum leiðbeiningum um akstur að vetrarlagi.

Afköst rafhlöðu bílsins rýrna eðlilega með tímanum og við áframhaldandi orkunotkun, sem getur smám saman dregið úr hámarksdrægni bílsins með fullhlaðna háspennurafhlöðu. Til viðbótar við þessi eðlilegu áhrif tímans tannar geta hleðsluvenjur þínar og notkun eiginleika sem ekki hafa með akstur að gera, á borð við hitastýringu eða upplýsinga- og afþreyingarkerfi, haft frekari áhrif á ástand rafhlöðunnar.

Áhrif hleðslu á ástand rafhlöðu

Hleðsluvenjur þínar geta haft áhrif á ástand rafhlöðunnar með tímanum, sem getur haft áhrif á heildardrægni bílsins til lengri tíma litið. Hafðu eftirfarandi í huga þegar þú hleður Tesla-bílinn þinn:

• Stilltu hleðslumörk á 80% fyrir daglega hleðslu fyrir bíla sem mælt er með 80% hleðslu fyrir. Auktu þau aðeins í 100% þegar þörf krefur, til dæmis í lengri ferðum.
• Forðastu að láta bílinn þinn standa nálægt 0% eða 100% hleðslu í marga daga eða vikur í senn.
• Reyndu að hlaða rafhlöðuna eins oft og þú getur. Tíð afhleðsla rafhlöðunnar í lága hleðslustöðu fyrir hleðslu getur með tímanum valdið óþarfa álagi á rafhlöðuna.
• Hladdu bílinn þinn heima þegar mögulegt er og reyndu að nota Supercharger-hraðhleðslustöðvar í lengri ferðum.
• Ef þú ætlar að láta bílinn standa óhreyfðan í meira en tvær vikur í einu skaltu leggja honum með um 50% hleðslu, stilla hleðslumörkin á 50% og hafa hann í hleðslu, ef því er við komið.

Mismunandi rafhlöður krefjast mismunandi hleðsluvenja til að endingin verði sem best. Á snertiskjá bílsins birtast ráðleg hleðslumörk fyrir rafhlöðuna. Til að breyta hleðslumörkum bílsins skaltu opna hleðsluskjáinn á snertiskjá bílsins eða í Tesla-appinu og draga sleðann.

Athugaðu: Ef þú getur ekki fylgt þeim ráðum og aðferðum sem geta lengt endingartíma rafhlöðu bílsins kann rafhlaðan engu að síður að falla undir takmörkuðu ábyrgðina þína.

Orkunotkun í kyrrstöðu

Eðlilegt er að afköst rafhlaða rafbíla rýrni með tíma og orkunotkun. Þessi rýrnun á sér ekki aðeins stað við akstur, þar sem tilteknir eiginleikar halda áfram að ganga á aðalrafhlöðuna þegar bílnum er lagt, þar á meðal en ekki takmarkað við eftirfarandi:

• Rafmagnstengi
• Sentry Mode
• Hitastýringar, þar á meðal Dog Mode, Camp Mode og „Hafa kveikt á hitastýringu“
• Ofhitavörn í farþegarými
• Undirbúningur (ekki í sambandi)
• Biðstöðustilling Summon
• Upplýsingar og afþreying, þar á meðal vídeóstreymi, tónlistarstreymi og leikir

Íhugaðu eftirfarandi venjur til að draga úr hugsanlegu álagi á rafhlöðuna þegar bíllinn er kyrrstæður:

• Tengdu bílinn við hleðslutæki alltaf þegar honum er lagt. Þannig tekur bíllinn rafmagn frá raforkukerfinu í stað þess að ganga á aðalrafhlöðuna.
• Slökktu á Sentry Mode á öruggum stöðum, svo sem á heimilum, vinnustöðum eða vistuðum eftirlætisstöðum.
• Forðastu langa kyrrstöðu með kveikt á hitastýringunni eða upplýsinga- og afþreyingarkerfinu. Notaðu þessa eiginleika meðan á hleðslu stendur eða í stuttum stoppum.

Af hverju er birt áætluð drægni að minnka hraðar en sem nemur þeim kílómetrum sem ég ek?

Birt drægni er byggð á vottun eftirlitsaðila (EPA) og er ekki aðlöguð að aksturslagi. Aksturslag þitt og umhverfisaðstæður geta haft áhrif á sparneytni bílsins og um leið drægni hans. Opnaðu orkuappið til að sjá áætlaða drægni út frá persónubundinni orkunotkun.

Af hverju er drægnin minni en áætlað var eftir að hleðslu er lokið?

Eðlilegt er að áætluð drægni minnki örlítið fyrstu mánuðina, en síðan nær hún jafnvægi. Með tímanum kanntu að sjá hæga en eðlilega minnkun á drægni eftir fulla hleðslu. Þetta ræðst af þáttum á borð við ekna kílómetra og aldur rafhlöðunnar. Tesla-bíllinn þinn mun tilkynna þér ef svo ólíklega vill til að bilun í vélbúnaði valdi óeðlilega miklu álagi á rafhlöðuna eða minni drægni.

Hægt er að keyra ástandsprófun rafhlöðu, ef hún er til staðar, til að meta orkuheldni rafhlöðu bílsins. Til að keyra prófunina skaltu ýta á „Stjórntæki > Þjónusta > Ástand rafhlöðu“ á snertiskjá bílsins. Þú finnur frekari upplýsingar um ástand rafhlöðunnar í eigendahandbókinni.

Af hverju minnkar áætluð drægni yfir nótt á meðan slökkt er á ökutækinu?

Áætlað er að Tesla-bíll nýti um 1% af hleðslu rafhlöðunnar á dag á meðan hann er kyrrstæður. Stundum geta verið merki um að notkunin sé meiri. Við mælum með því að slökkt sé á eiginleikum á borð við forhitun og -kælingu, Sentry Mode, stöðugri virkni hita- og loftstýringar og hvers kyns búnaði af eftirmarkaði þegar ekki er þörf á þeim. Best er að hafa bílinn í hleðslu þegar þessir eiginleikar eru notaðir, ef því verður við komið.

Athugaðu: Búnaður sem keyptur er á eftirmarkaði og sem tengdur er lágspennukerfinu og/eða snjallsímaöpp frá þriðja aðila sem safna gögnum um bílinn geta minnkað drægnina á meðan bílnum er lagt og stytt líftíma rafhlöðunnar. Tesla mælir ekki með notkun búnaðar af eftirmarkaði og hvers kyns skemmdir á vélbúnaði eða hugbúnaði bílsins vegna óheimils aðgangs að gögnum bílsins í gegnum hluti eða aukabúnað sem Tesla framleiðir ekki falla ekki undir ábyrgðina.

Hefur hitastig umhverfisins áhrif á drægni?

Já. Ef mjög kalt eða heitt er í veðri getur það haft áhrif á drægnina en áhrifin eru töluvert meiri í köldu veðri. Háspennurafhlöður Tesla eru vaktaðar til að halda hitastigi á rafhlöðunni innan kjörmarka. Háspennurafhlaðan er vöktuð þó að ökutækið sé ekki í notkun til að auka líftíma og frammistöðu hennar – þess vegna gætirðu heyrt í þjöppunni þó að bílnum sé lagt. Ef þú ekur þegar kalt er í veðri skaltu skoða ráð um akstur í köldu veðri.