Innköllun vegna óstarfhæfra bakkljósa á Model Y

Tesla hefur sett af stað innköllun á tilteknum bílum sem framleiddir voru á milli 6. febrúar 2025 og 26. júlí 2025 og gætu hafa verið afhentir með óvirkum bakljósum.

Hvert er vandamálið?

Í þeim bílum sem um ræðir getur verið að ekki kvikni á einu eða báðum bakkljósunum þegar ökumaður velur bakkgírinn, en það samræmist ekki kröfum UN ECE 48.

Hefur innköllunin áhrif á ökutækið mitt?

Allir eigendur geta kannað hvort þetta nær til síns bíls með því að nota innköllunarleitarvél Tesla fyrir VIN.

Er öruggt að keyra ökutækið?

Ef ekki kviknar á bakkljósum þegar bíllinn er settur í bakkgír getur það aukið hættu á árekstri. Ökumenn geta notað baksýnisspegla og bakkmyndavélina til að fylgjast með umferð fyrir aftan bílinn. Að auki varar viðvörunarhljóð aðra við þegar bílnum er bakkað. Þegar bíllinn er settur í bakkgír og bilunin er til staðar birtist viðvörunartilkynning á mælaborðinu sem tilkynnir ökumönnum um að bakkljósin virki ekki.

Hvert er innköllunarúrræðið og hversu langan tíma tekur að framkvæma það?

Tesla mun framkvæma skoðun á bakkljósunum og yfirfara leiðslur og tengingar á öllum bílum sem þessi innköllun nær til, viðskiptavinum að kostnaðarlausu, og gera við eða skipta út gölluðu íhlutunum sé þörf á því. Lagfæringin tekur um 20 mínútur.

Þarf ég að gera þjónustubókun fyrir þessa innköllun?

Til að fá þetta lagfært skaltu bóka þjónustu í Tesla-appinu með því að velja „Þjónusta > Biðja um þjónustu > Annað > Eitthvað annað“ og slá inn skýringuna „Opin innköllunarviðgerð – óstarfhæf bakkljós á Model Y“ í reitinn „Lýsa vandamáli“.