Gler frá Tesla
Glerið sem notað er í öllum bílum frá Tesla er hannað til að bjóða upp á einstaka blöndu þæginda, styrks og öryggis.
Kristaltært útsýni með útfjólublárri vörn
Gler frá Tesla útilokar allt að 99% skaðlegrar útfjólublárrar geislunar til að koma í veg fyrir að innanrými bílsins fölni. Gler frá Tesla er einnig hannað til að tryggja kristaltært útsýni, með lágmarks bjögun og glýju til að tryggja skýra og óhefta yfirsýn yfir veginn framundan.
Öryggi án málamiðlana
Gler frá Tesla þolir skemmdir og dregur þannig úr hættu á meiðslum vegna glerbrota komi til slyss. Að auki er glerið límt við yfirbyggingu Tesla bílsins þíns til að tryggja árekstravörn, sem eykur afköst öryggispúða og krumpustyrk þaks.
Sértækir hljóðeinangrunareiginleikar frá framleiðanda
Gler frá Tesla er framleitt til að uppfylla staðla okkar um notkun og virkni, þar á meðal framúrskarandi hljóðeinangrun. Niðurstaða þess er að vindhljóð og önnur utanaðkomandi hljóð og hávaði í innanrými eru lágmörkuð til að tryggja hljóðláta og þægilega akstursupplifun.
Samhæfi við önnur kerfi
Myndavélar bílsins þíns reiða sig á gler frá Tesla til að tryggja hámarks myndgæði og tryggja að öryggiskerfi bílsins hafi óhindraða yfirsýn yfir veginn. Gler frá Tesla stuðlar einnig að fullri virkni allra loftneta bílsins, sem hefur áhrif á afköst búnaðar á borð við Passive entry, streymis á LTE-símkerfi og nákvæmni Wi-Fi og GPS.
Með því að láta skipta um framrúðu eða gler hjá Tesla er tryggt að verkið sé unnið á réttan hátt og með hliðsjón af háþróuðum öryggisbúnaði og myndavélakerfum bílsins. Þjálfað tæknifólk Tesla notar fullprófaða og vottaða varahluti, þar á meðal framrúður og gler, til að tryggja sem besta mögulega snið, virkni og öryggi. Kvarðanir eru alltaf innifaldar í heildarverði glerskipta hjá Tesla. Auk þess er tæknifólk okkar þjálfað í að tryggja snurðulausa samþættingu við háþróaða tækni Tesla-bílsins þíns. Með því að láta framkvæma skiptin hjá Tesla fellur glerið í bílnum undir takmarkaða ábyrgð Tesla, en það ræðst þó af ástæðum viðgerðarinnar.
Frekari upplýsingar er að finna í hlutanum „Viðgerðarleiðbeiningar fyrir varahluti, festingar og burðarlím“ í eigendahandbókinni.
Skipt um gler eða framrúðu
Þú getur bókað skipti á framrúðu eða gleri í Tesla bílnum þínum með því að fylgja eftirfarandi skrefum:
- Opnaðu Tesla appið.
- Ýttu á „Service“.
- Veldu „Biðja um þjónustu“.
- Ýttu á „Árekstur og gler“.
- Ýttu á „Gler og gluggar“.
- Fylgdu leiðbeiningunum á skjánum til að veita frekari upplýsingar.