Viðhald ökutækis

Verkfræðingar okkar fara stöðugt yfir ráðleggingar um viðhald til að hámarka afköst, áreiðanleika, endingu og öryggi Tesla-bílsins þíns.

Ólíkt bílum sem ganga fyrir jarðefnaeldsneyti þurfa Tesla-bílar engin hefðbundin olíuskipti, viðhald á eldsneytiskerfi, kertaskipti eða útblástursskoðanir. Meira að segja skipti á hemlaklossum eru sjaldgæf vegna þess að endurnýting hemlunarafls skilar orku aftur í rafhlöðuna og minnkar álag á hemlana umtalsvert.

Skoðaðu eigendahandbókina þína til að sjá nýjustu viðhaldsleiðbeiningarnar fyrir Tesla-bílinn þinn.

Viðhaldsyfirlit

Viðhaldsyfirlitið á snertiskjá bílsins veitir upplýsingar um hvenær síðustu almennu viðhaldsaðgerðir voru framkvæmdar og birtir ráðleggingar um hvenær næsta viðhald skal fara fram. Færslur í viðhaldsyfirlitinu eru áfram vistaðar í bílnum eftir endurstillingu og hægt er að nálgast upplýsingar um fyrra viðhald.

Viðhaldsyfirlitið birtir eftirfarandi:

Tímasetningu hverrar viðhaldsaðgerðar sem síðast var sinnt, ef það hefur á annað borð farið fram
Hvaða viðhaldsaðgerðir eru komnar fram yfir á tíma
Hvaða viðhaldsaðgerðir þarf að framkvæma fljótlega
Hvaða viðhald þarf að framkvæma innan skamms
Stutta lýsingu á hverri viðhaldsaðgerð

Viðhaldsyfirlitið gerir þér kleift að skrá viðhaldsaðgerðir sem framkvæmdar eru, sem endurstillir viðhaldstímabilið, ef við á.

Athugaðu: Þó að Tesla kunni að uppfæra viðhaldsyfirlitið við þjónustuheimsókn er það á ábyrgð eiganda bílsins að tryggja nákvæmni upplýsinganna, sérstaklega hvað varðar viðhald sem innt er af hendi hjá óháðum viðgerðaraðilum eða sem eigandi sinnir sjálfur.

Leiðbeiningar um viðhaldsþjónustu

Loftsía í farþegarými

Tesla ökutækið þitt er með loftsíu sem varnar því að frjókorn, mengun, vegaryk og aðrar agnir komist inn gegnum loftrásir.

Viðhaldstíminn getur verið mismunandi eftir umhverfi. Til að athuga hvort skipta þurfi um loftsíu í farþegarými fyrir bílinn þinn og fá nýjustu viðhaldsáætlunina sem mælt er með skaltu ýta á „Stjórntæki > Þjónusta > Viðhald“ á snertiskjá bílsins.

Athugaðu: Til að fá aðgang að þessum eiginleika verður bíllinn að vera með hugbúnaðarútgáfu 2024.44.25 eða nýrri uppsetta.

Við mælum með að skipt sé um loftsíu á eftirfarandi fresti:

Model S	Skiptu um loftsíu í farþegarými á 3 ára fresti.¹
Model 3	Skiptu um loftsíu í farþegarými á 2 ára fresti.
Model X	Skiptu um loftsíu í farþegarými á 3 ára fresti.¹
Model Y	Skiptu um loftsíu í farþegarými á 2 ára fresti.

High Efficiency Particulate Air (HEPA) sía

Ef Tesla-bíllinn þinn er með HEPA mælum við með því að skipt sé um HEPA-síu og kolefnissíu á 3 ára fresti.

Viðhaldstíminn getur verið mismunandi eftir umhverfi. Til að athuga hvort skipta þurfi um HEPA síu í bílnum og fá nýjustu viðhaldsáætlunina sem mælt er með skaltu ýta á „Stjórntæki > Þjónusta > Viðhald“ á snertiskjá bílsins.

Athugaðu: Til að fá aðgang að þessum eiginleika verður bíllinn að vera með hugbúnaðarútgáfu 2024.44.25 eða nýrri uppsetta.

Hjólbörðum víxlað

Harkalegur akstur getur leitt til þess að hjólbarðar slitni fyrr en ella og að skipta þurfi fyrr um þá. Með því að víxla hjólbörðum með reglulegum hætti viðheldurðu jöfnu slitálagi á hjólbörðum Tesla bílsins þins og stuðlar að hámarksendingu þeirra. Við mælum með því að þú víxlir hjólbörðunum á 10.000 km fresti eða ef munur á mynsturdýpt tveggja hjólbarða er 1,5 mm eða meiri, hvort sem kemur á undan.

Hjólastilling

Vanstillt hjól geta haft áhrif á aksturseiginleika, endingu hjólbarða og stýrishluta. Hjólastilling er þjónusta sem tryggir jafna þyngdardreifingu á hjól bílsins. Við mælum með því að þú bókir hjólastillingu fyrir Tesla bílinn þinn eftir þörfum. Mögulega krefst Tesla bílinn þinn hjólastillingar ef vart verður við titring í stýrinu við akstur.

Hjólastilling

Vanstillt hjól geta einnig haft áhrif á aksturseiginleika, endingu hjólbarða og stýrishluta. Hjólastilling er þjónusta sem tryggir að hjólbarðar bílsins séu í réttri stöðu. Við mælum með því að þú bókir hjólastillingu fyrir Tesla bílinn þinn eftir þörfum. Mögulega krefst Tesla bílinn þinn hjólastillingar ef vart verður við eitthvað af eftirfarandi:

Ójafnt slit á hjólbörðum
Bíllinn leitar til vinstri eða hægri á meðan stýrt er beint áfram

Einnig er mælt með hjólastillingu eftir að þú setur nýja hjólbarða undir Tesla bílinn þinn.

Stilling hjólbarða og felga

Ef nýbúið er að þjónusta hjólbarðana og/eða felgurnar undir bílnum þínum mælum við með endurstillingu hjólbarða og/eða felgna til að bæta aksturseiginleikana.

Endurstilltu stillingu hjólbarða og/eða felgu á snertiskjá bílsins með eftirfarandi skrefum:

Ýttu á „Stjórntæki“.
Ýttu á „Þjónusta > „Felgur og hjólbarðar“.
Til að endurstilla hjólbarðastillinguna ýtirðu á „Hjólbarðar“.
Til að endurstilla felgustillinguna ýtirðu á „Felgur“.

Skoðaðu eigendahandbækur hjólbarðaframleiðenda og ábyrgðaskjöl til að fá frekari upplýsingar.

Bremsuvökvapróf

Við mælum með því að óhreinindi í hemlavökva séu skoðuð með því að bóka þjónustu hjá Tesla á 4 ára fresti og skipta honum út eftir þörfum.

Athugaðu: Mikil bremsunotkun vegna dráttar, aksturs niður brekkur eða aksturs á miklum afköstum – sérstaklega í ökutækjum í heitu og röku umhverfi – gæti krafist þess að bremsuvökvi sé skoðaður oftar og skipt um hann.

Loftræstiþjónusta

Við viðhaldsþjónustu loftkælingar er rakasíupoka skipt út til að auka endingu og skilvirkni loftkælingarinnar.

Áfram er mælt með að skipta um þurrksíu í loftkælingu fyrir Tesla bíla án varmadælu. Þú getur skoðað hvort bíllinn þinn er búinn varmadælu með því að ýta á „Stjórntæki > Hugbúnaður > Viðbótarupplýsingar um bíl“ á snertiskjá bílsins. Ef bíllinn þinn er búinn varmadælu skaltu athuga hvort skipta þurfi um þurrksíu í loftkælingunni og fá nýjustu viðhaldsáætlunina sem mælt er með með því að ýta á „Stjórntæki > Þjónusta > Viðhald“ á snertiskjá bílsins.

Við mælum með eftirfarandi þjónustuáætlun fyrir loftkælinguna:

Model S	Ekki er þörf á að skipta um varahlut.²
Model 3	Ekki er þörf á að skipta um varahlut.²
Model X	Ekki er þörf á að skipta um varahlut.²
Model Y	Ekki er þörf á að skipta um varahlut.

Ítarleg þrif framrúðu á myndavélasvæði

Nauðsynlegt er að þrífa framrúðuna að innan á myndavélasvæðinu til að tryggja gott útsýni og hámarksvirkni myndavélar. Þegar þörf er á mælum við með því að þú bókir þjónustutíma til að láta þrífa framrúðuna að innan. Til að athuga hvort hreinsa þurfi framrúðuna á myndavélasvæðinu fyrir bílinn þinn skaltu skoða viðhaldsyfirlitið með því að ýta á „Stjórntæki“ > „Þjónusta“ > „Viðhald“ á snertiskjá bílsins.

Þrif á vatnskassa að utanverðu

Ryk og óhreinindi eiga það til að safnast utan á vatnskassa bílsins og hafa áhrif á afköst hitakerfis bílsins. Magn uppsafnaðra óhreininda getur verið breytilegt eftir akstursumhverfinu. Við mælum með að þú bókir þjónustuskoðun til að láta skoða og þrífa vatnskassa bílsins þíns, þegar þörf er á. Upplýsingar um hvort kominn er tími á þrif vatnskassans og um ráðlagt viðhald er hægt að nálgast með því að ýta á „Stjórntæki > Þjónusta > Viðhald“ á snertiskjá bílsins.

Athugaðu: Aðgangur að þessum eiginleika krefst þess að bíllinn þinn sé með hugbúnaðarútgáfu 2024.44.25 eða nýrri uppsetta.

Vetrarumhirða

Við mælum með því að allir hemlaklafar séu hreinsaðir og smurðir á 12 mánaða eða 20.000 km fresti á svæðum þar sem vegir eru saltaðir yfir vetrartímann

Viðhald háspennurafhlöðu

Ef háspennurafhlaðan krefst viðhalds birtist tilkynning á snertiskjá bílsins um að þú ættir að bóka þjónustuheimsókn.

Einungis tæknifólk með viðeigandi þjálfun má þjónusta háspennurafhlöðukerfið. Þú mátt ekki undir neinum kringumstæðum opna eða eiga við rafhlöðuna. Ekki taka í sundur, fjarlægja eða skipta um háspennuíhluti, kapla eða tengi.

Hvernig á að bóka þjónustuskoðun

Bókaðu þjónustuskoðun í Tesla-appinu.

Algengar spurningar

Algengar spurningar Sýna allt Fela allt

Tesla ökutækið þitt þarf ekki á árlegri viðhaldsþjónustu eða reglulegum olíuskiptum að halda. Upplýsingar um nýjustu viðhaldsráðleggingar fyrir bílinn þinn er að finna í eigendahandbókinni þinni.
Fylgdu þessum skrefum þegar hjólbörðum er víxlað:

Ýttu á „Stjórntæki > Þjónusta > Viðhald“ á snertiskjá bílsins.

Ýttu á „Hjólbörðum víxlað > Skráning“.

Veldu sumar- eða vetrardekk.

Veldu gerð þjónustu.

Ýttu á „Endurstilla“.

Fylgdu eftirfarandi skrefum fyrir allt annað viðhald:

Ýttu á „Stjórntæki > Þjónusta > Viðhald“ á snertiskjá bílsins.

Snertu viðhaldstímabilið sem á að endurstilla.

Ýttu á „Skráning > Staðfesta“.

Þegar staðfestingarglugginn hverfur verður viðhaldstímabilið endurstillt í viðhaldsyfirlitinu.
Vottaðir þjónustuaðilar geta skráð fyrri viðhaldsaðgerðir á Tesla bílnum þínum. Ræddu við þjónustuaðilann sem annaðist þjónustuna til að biðja um færslu með dagsetningunni og/eða kílómetrastöðunni á þeim tíma sem vinnan var unnin. Einnig er hægt að bæta við nýrri viðhaldsaðgerð sem núverandi færslu í viðhaldsyfirlitinu til að endurstilla viðhaldstímabilið.
Við bjóðum upp á þráðlausar hugbúnaðaruppfærslur, fjargreiningu og aðstoð tæknifólks vegaþjónustu og því er minni þörf á að fara í þjónustumiðstöð. Ef ökutækið þitt þarf á þjónustu að halda geturðu bókað hana í Tesla appinu. Ef þú velur að fara meða ökutækið þitt annað en á Tesla verkstæði til að sinna viðhaldi eða gera við það gæti slíkt haft áhrif á ábyrgðina, ef vandamál koma upp.
Þú gætir þurft að fara með ökutækið í reglubundna skoðun, en það fer eftir reglum á hverjum stað. Hafðu samband við samgönguyfirvöld á þínum stað til að fá upplýsingar um kröfurnar í þínu landi. Hægt er að bera kennsl á VIN-staðsetningar, tjakkpunkta, klára bremsupróf og aðrar algengar aðgerðir í reglubundnum skoðunum.
Þú getur flutt ónotaðan hluta viðhaldsáætlunar Tesla ökutækisins þíns þegar þú selur ökutækið. Áætlunin flyst yfir á nýja eigandann þegar unnið hefur verið úr breytingum á eignarhaldi. Skoðaðu skilmála vegna viðhaldsáætlunar til að fá frekari upplýsingar.
Þú getur sent inn beiðni um að segja upp viðhaldsáætlun þinni hvenær sem er og fengið endurgreiðslu vegna árlegra þjónustuskoðana sem eftir eru. Skoðaðu skilmála vegna viðhaldsáætlunar til að fá frekari upplýsingar.

¹ Við mælum með því að skipt sé um loftsíu í farþegarými á 2 ára fresti í Model S og Model X bílum sem framleiddir voru 2012–2020.

² Við mælum með að skipta um þurrksíu í loftkælingu fyrir Tesla bíla án varmadælu. Fyrir Model S bíla sem framleiddir voru 2012-2020 mælum við með því að skipt sé um þurrksíu í loftkælingu á 2 ára fresti. Fyrir Model 3 bíla án varmadælu sem framleiddir voru 2017-2023 mælum við með því að skipt sé um þurrksíu í loftkælingu á 6 ára fresti. Fyrir Model X bíla sem framleiddir voru 2015-2020 mælum við með því að skipt sé um þurrksíu í loftkælingu á 4 ára fresti.