Supercharger-hraðhleðsla hjá þjónustuaðilum
Þjónustuaðilar eru fyrirtæki eða kerfi þriðju aðila sem bjóða upp á greiðslulausnir, á borð við efnisleg kort eða snjallöpp. Á sumum svæðum vinnur Tesla með þjónustuaðilum til að bjóða upp á fleiri greiðslumöguleika fyrir Supercharger-hraðhleðslu. Ef þú ert viðskiptavinur samstarfsþjónustuaðila geturðu bætt kortinu sem þjónustuaðilinn gefur út við Tesla-appið og notað það til að greiða fyrir Supercharger-hraðhleðslu.
Ef þjónustuaðilinn þinn gefur út efnislegt eða stafrænt kort þarftu að bæta því korti við Tesla-appið til að geta notað það til að greiða fyrir Supercharger-hraðhleðslu. Fylgdu eftirfarandi skrefum til að bæta þjónustuaðilakortinu þínu við Tesla-appið:
- Opnaðu Tesla appið.
- Ýttu á „Hleðsla“.
- Ýttu á „Stjórna greiðslum“.
- Ýttu á „Greiðsla og innheimta“.
- Ýttu á niðurörina í hlutanum „Greiðsla“ og ýttu síðan á „Bæta við korti“.
- Veldu „Kort þjónustuaðila“ sem kortategund.
- Færðu inn kortaupplýsingarnar þínar.
- Þegar beðið er um það skaltu slá inn auðkenni þjónustuaðilans til að staðfesta.
- Að því loknu mun þjónustuaðilinn þinn staðfesta beiðnina og kann að senda þér eða flotastjórnandanum þínum tölvupóst. Fylgdu leiðbeiningunum í tölvupóstinum til að staðfesta tenginguna.
Þú getur haft marga greiðslumáta í Tesla-appinu en þú þarft að tilgreina einn þeirra sem greiðslumáta fyrir Supercharger-hraðhleðslu áður en þú notar Supercharger-hleðslustöð. Þú getur valið þjónustuaðilakortið þitt sem sjálfgefinn greiðslumáta með því að ýta á það í appinu og ýta síðan á „Velja sem sjálfgefið“.
Takmarkaður fjöldi hleðslustöðva býður upp á þann möguleika að þú getir greitt beint í Supercharger-hleðslustöðinni með þjónustuaðilakortinu þínu.
- Arval Global
- ChargeMap
- D'leteren Energy
- DKV Mobility
- Elton
- Joulz
- Last Mile Solutions
- Luminus
- Mobilitics
- Move Move
- MultiTank Card Europe
- Powered by Zeno
- Polestar
- Team Mobility Card
- UTA eCharge
- WEX
Við erum að fjölga og bæta nýjum þjónustuaðilum við listann. Í Tesla-appinu er finna nýjustu útgáfu listans yfir þjónustuaðila á þínu svæði.