Supercharger-hraðhleðsla fyrir aðra rafbíla

1. Sæktu Tesla appið (útgáfa 4.2.3 eða nýrri) fyrir iOS eða Android og búðu til Tesla reikning.
2. Veldu „Hlaða rafbílinn þinn“ og finndu næstu Supercharger-hleðslustöð.
3. Bættu við greiðslumáta, stingdu bílnum í samband, veldu bás og ýttu á „Hefja hleðslu“.
4. Veldu „Stop Charging“ (stöðva hleðslu) til að ljúka hleðslulotunni.

Athugaðu: Ef þú átt einnig bíl sem ekki er frá Tesla skaltu opna Tesla appið og ýta á valmyndina efst til hægri til að finna „Hleðsla annarra rafbíla“.

Hver Supercharger-hleðslustöð er með merki með einkvæmu auðkenni á undirstöðunni. Ef þú ert að taka snúru af 4A-hleðslustöð skaltu velja 4A-hleðslustöð í Tesla-appinu til að hefja hleðslu.

Athugaðu: Ef þú stingur ekki í samband innan tveggja mínútna eftir að þú velur hleðslustöð rennur lotan út á tíma og þú þarft að byrja upp á nýtt.

Já. Hægt er að nálgast allar vörur og þjónustu Tesla gegnum Tesla-appið. Eigendur Tesla geta notað núverandi reikning til að hlaða aðra rafbíla.

Já. Þú getur skoðað upplýsingar um framboð á Supercharger-staðsetningum í Tesla appinu.

Greitt er fyrir Supercharger-hraðhleðslu samkvæmt notkun. Þú getur séð verðskrá viðkomandi Supercharger-hraðhleðslustöðvar í Tesla-appinu eða með því að nota gagnvirka kortið okkar Hér erum við. Þegar hleðslulotunni er lokið birtist áætlaður heildarkostnaður hleðslulotunnar í Tesla-appinu.

Verð í öppum þriðju aðila kann að vera mismunandi. Tesla ákvarðar einungis það verð sem er birt og innheimt í Tesla-appinu og á V4-greiðslustöðvum. „Plug & Charge“-bílar greiða beint af sínum reikningi. Allt verð sem birt er í Tesla-appinu fyrir hleðslu bílsins þíns innifelur skatta og gjöld. Það sem þú velur að gera við og eftir að hleðslu lýkur kann að valda því að þú þarft að greiða teppugjald.

Athugaðu:Gjöld fyrir hleðslu kunna að vera breytileg ef þú greiðir fyrir Supercharger-hraðhleðslu með hleðslukortinu þínu. Skoðaðu hleðsluapp þjónustuaðila þíns til að sjá nýjustu gjöld.

Hleðslugjald ræðst af hleðslutíma og breytist ekki ef verðbreyting verður meðan á hleðslulotunni stendur. Sumar Supercharger-hleðslustöðvar bjóða upp á verð á álagstíma og utan hans. Hægt er að lækka verð á hleðslu hverrar kílóvattstundar með aðild að Supercharger-hraðhleðslu. Verð geta breyst.

Athugaðu: Inneignir fyrir Supercharger-hraðhleðslu er aðeins hægt að nota sem greiðslumáta fyrir hleðslulotur Tesla-bíla á Supercharger-hleðslustöðvum í eigu Tesla. Gjöld sem tengjast Supercharger-hraðhleðslu eru áfram innheimt.

Aðild að Supercharger-hraðhleðslu gerir eigendum rafbíla kleift að nota Supercharger-hraðhleðslu á lægra verði.¹ Eigendur Tesla eru sjálfkrafa meðlimir. Þú þarft ekki að kaupa aðild að Supercharger-hraðhleðslu fyrir Tesla-bílinn þinn. Ef þú átt aftur á móti bæði Tesla-bíl og rafbíl frá öðrum framleiðanda þarftu að kaupa aðild að Supercharger-hraðhleðslu til að hlaða hinn rafbílinn þinn á Supercharger-hleðslustöð á verði fyrir Tesla-bíla.

Athugaðu: Þú þarft ekki að kaupa aðild fyrir hvern bíl.

Til að skrá þig í aðild að Supercharger hraðhleðslu í Tesla appinu skaltu fylgja þessum leiðbeiningum.

1. Opnaðu Tesla appið.
2. Ýttu á valmyndina efst til hægri.
3. Ýttu á „Hleðsla“.
4. Ýttu á „Aðild“.
5. Ýttu á hnappinn „Sign Up“.

Þegar þú hefur skráð þig fyrir aðild að Supercharger-hraðhleðslu er mánaðarlegt aðildargjald skuldfært af þeim greiðslumáta sem tilgreindur er fyrir Supercharger-hraðhleðslu. Aðildarverð mun þá gilda um allar Supercharger-hraðhleðslulotur á völdum stöðum.

Aðildargjald er óendurgreiðanlegt og þú getur sagt upp aðildinni að Supercharger-hraðhleðslu hvenær sem er.

Til að segja upp aðild að Supercharger-hraðhleðslu skaltu fylgja eftirfarandi skrefum:

1. Opnaðu Tesla appið.
2. Ýttu á valmyndina efst til hægri.
3. Ýttu á „Hleðsla“.
4. Ýttu á „Aðild“.
5. Ýttu á hnappinn „Hætta við“.

*Verð getur verið breytilegt á völdum Supercharger-hleðslustöðvum.

Já. Sama hugsun og gjaldskrá fyrir Supercharger-hraðhleðslu gildir um bæði Tesla-bíla og aðra rafbíla til að tryggja að stöðvarnar séu opnar þannig að allir geti hlaðið.