Supercharger hraðhleðsla

Supercharger-hleðslustöðvar eru tilvaldar í langferðir og eru hannaðar til að hlaða Tesla bifreiðina þína hratt svo að þú getir haldið ferðinni áfram. Fyrir dagleg ferðalög eða staðbundnar akstursþarfir eru ýmsir möguleikar fyrir heimahleðslu.

Hleðsluhraði er aðeins breytilegur eftir bíltegund.

Þegar þú hleður Tesla-bílinn þinn með Supercharger-hraðhleðslu þarftu að byrja á því að opna hleðslutengið á snertiskjá bílsins eða í Tesla-appinu. Þú getur einnig opnað hleðslutengið með því að ýta neðst á hlífina yfir hleðslutenginu þegar bílinn er ólæstur.

Stingdu hleðslutenglinum í hleðslutengið á bílnum. LED-ljós hleðslutengisins mun blikka grænt þegar hleðsla er hafin.

Þú getur fylgst með hleðslunni í Tesla appinu. Þegar hleðslunni er lokið skaltu taka hleðslusnúruna úr sambandi með því að halda hnappinum á handfangi tengisins inni til að taka lásinn af og toga handfangið úr hleðslutenginu. Hleðslutengið lokast sjálfkrafa. Um leið og þú tekur bílinn úr sambandi er greiðslan innheimt í gegnum greiðslumátann í Tesla-appinu.

Þegar kveikt er á leiðsögninni birtir bíllinn ráðleggingar um viðeigandi hleðslu til að komast á næstu Supercharger-hleðslustöð á leiðinni. Hugsanlega eru hleðslumörk bílsins þíns sjálfkrafa stillt á 80% til að draga úr álagi á vinsælum Supercharger-hleðslustöðvum. Þú getur hækkað hleðslumörkin handvirkt eftir að þú stingur í samband, á snertiskjá bílsins eða í Tesla-appinu.

Athugið: Hleðsla verður hægari þegar ákveðinni hleðslu er náð og þannig tekur það alla jafna hlutfallslega mun lengri tíma að ná 100% hleðslu en að ná 80% hleðslu.

Já. Supercharger-netið er í boði fyrir alla eigendur Tesla-ökutækis.

Allar V3-Supercharger-hleðslustöðvar í Evrópu eru með CCS-tækni með einum kapli og er samhæfðar fyrir öll Model 3, Model Y og Model S eða Model X ökutæki sem framleidd voru í maí 2019 og síðar. Til að fá aðgang að V3-Supercharger-hraðhleðslu með Model S eða Model X ökutæki sem framleidd voru fyrir maí 2019 skaltu biðja um tilboð í CCS Combo 2-uppfærslu frá þjónustumiðstöðinni á þínum stað.

Allar V2 Supercharger hleðslustöðvar í Evrópu eru með tvískiptum köplum til að koma til móts við bæði jafnstraumstegund 2 og CCS Combo 2 hleðslutengin.

Gagnvirki Trip Planner í ökutækinu getur hjálpað þér að finna Supercharger-staðsetningu þegar þú ert á ferðinni. Til að virkja Trip Planner skaltu ýta á „Stillingar“ > „Leiðsögn“ > „Trip Planner“ á snertiskjánum.

Þegar þú hefur valið staðsetningu mun leiðsögn bílsins beina þér sjálfkrafa að næstu innkeyrslu á staðinn. Þú getur síðan stækkað kortið til að finna nákvæma staðsetningu stöðvarinnar. Ýttu á rautt eldingatákn stöðvarinnar á snertiskjánum, ef þörf er á frekari upplýsingum.

Supercharger-stöðvar eru staðsettar með GPS í leiðsögn á snertiskjá bílsins. Leiðsögn bílsins mun vísa veginn á næstu innkeyrslu og þú getur stækkað kortið til að finna nákvæma staðsetningu stöðvarinnar. Ef frekari leiðbeiningar eru í boði geturðu séð þær með því að ýta á rauða prjóninn á stöðinni. Viðbótarleiðbeiningar geta innihaldið upplýsingar um hliðkóða, bílastæði, álagstíma og fleira.

Næstum því allar Supercharger-staðsetningar eru opnar allan sólarhringinn. Þjónusta í nágrenninu ræðst hins vegar af því hvenær opið er á viðkomandi stað.

Ef Supercharger-stöð er með takmarkaðan opnunartíma mun hann birtast á snertiskjánum þegar staðurinn er valinn.

Þú getur hjálpað til við að ákveða hvar næsta Supercharger hleðslustöð verður uppsett með því að greiða atkvæði eða leggja til staðsetningu. Ný kosningalota hefst á þriggja mánaða fresti og þú getur greitt allt að fimm atkvæði fyrir tillögur að Supercharger staðsetningum. Auk þess geturðu komið með tillögu að nýrri Supercharger staðsetningu fyrir næstu kosningalotu.

Athugaðu: Með því að greiða atkvæði samþykkir þú að við megum fylgja málinu eftir og hafa samband við þig varðandi Supercharger hraðhleðslu.

Ef þú hefur áhuga á að hafa Supercharger hleðslustöð á lóðinni þinni skaltu sækja um til að koma því í ferli.

Verð fyrir hverja Supercharger-staðsetningu birtist í sprettiglugga valins prjóns á snertiskjánum. Þegar hleðslulotunni er lokið birtist áætlun um lokagjöld á skjánum. Fylgdu eftirfarandi skrefum til að skoða endanlega reikninga í Tesla-appinu:

1. Opnaðu Tesla appið.
2. Ýttu á prófíltáknið í horninu efst til hægri.
3. Ýttu á „Reikningur“.
4. Ýttu á „Hleðsla“.
5. Ýttu á „Saga“.

Öll verð sem birt er í Tesla-appinu fyrir hleðslu bílsins þíns innifelur skatta og gjöld. Það sem þú velur að gera við og eftir að hleðslu lýkur kann að valda því að þú þarft að greiða teppugjald.

Verð geta breyst.

Hleðslugjald ræðst af hleðslutíma og breytist ekki ef verðbreyting verður meðan á hleðslulotunni stendur.

Allar Supercharger-stöðvar í Evrópu bjóða upp á háálags- og lágálagsverð. Verð og álagstímar birtast í leiðsagnarforritinu fyrir snertiskjáinn.

Athugaðu: Tesla biður viðskiptavini aldrei um að ljúka greiðslu með QR-kóða.

Áður en þú notar Supercharger-hraðhleðslu þarftu að bæta við og tilgreina sjálfgefinn greiðslumáta í Tesla-appinu. Greiðslur fyrir Supercharger-hraðhleðslu verða sjálfkrafa skuldfærðar á valinn greiðslumáta. Greiðslustöðvar eru einnig í boði á völdum stöðum.

Athugaðu: Bæta þarf greiðslumátanum fyrir Supercharger-hraðhleðslu við reikning eiganda bílsins í Tesla-appinu. Ef þú ert með bílinn á kaupleigu gætirðu þurft að hafa samband við kaupleigufyrirtækið til að ganga úr skugga um að þú hafir heimild til að greiða fyrir Supercharger-hraðhleðslu.

Til að bæta við greiðslumáta fyrir Supercharger-hraðhleðslu í Tesla-appinu skaltu fylgja eftirfarandi leiðbeiningum:

1. Opnaðu Tesla appið.
2. Ýttu á valmyndina efst til hægri.
3. Ýttu á „Hleðsla“.
4. Ýttu á „Stjórna greiðslum > Greiðsla“.
5. Ýttu á „Bæta við korti“, sláðu inn kortaupplýsingarnar og ýttu á „Vista“.

Þú getur haft marga greiðslumáta í Tesla-appinu en þú þarft að tilgreina einn þeirra sem greiðslumáta fyrir Supercharger-hraðhleðslu áður en þú notar Supercharger-hleðslustöð.

Eftirfarandi greiðslumátar eru studdir:

• American Express
• Visa
• Mastercard
• Diners-kort
• Discover-kort

Þú getur uppfært Supercharger-greiðslumáta í Tesla-appinu. Það þarf þó alltaf að vera skráður aðalgreiðslumáti til að hægt sé að kaupa Supercharger-hraðhleðslu.

Til að uppfæra Supercharger-greiðslumátann í Tesla-appinu skaltu fylgja eftirfarandi leiðbeiningum:

1. Opnaðu Tesla appið.
2. Ýttu á valmyndina efst til hægri.
3. Ýttu á „Hleðsla“.
4. Ýttu á „Stjórna greiðslum“.
5. Ýttu á „Greiðslumáti“ og uppfærðu síðan upplýsingarnar eða veldu nýtt kort.

Til að fjarlægja Supercharger-greiðslumátann skaltu fylgja eftirfarandi leiðbeiningum:

1. Opnaðu Tesla appið.
2. Ýttu á valmyndina efst til hægri.
3. Ýttu á nafnið þitt og svo á „Veski“.
4. Ýttu á greiðslumátann sem þú vilt fjarlægja.
5. Ýttu á „Remove“.

Athugaðu: Þú þarft að hafa greiðslumáta á skrá sem er valinn í Tesla-appinu til að geta keypt Supercharger-hraðhleðslu.

Í Tesla-appinu sérðu hvort þú eigir eitthvað ógreitt. Ef þú ert með ógreidda stöðu muntu sjá áminningu um að Supercharger-staðan þín sé til greiðslu. Fylgdu eftirfarandi skrefum til að borga ógreidda fjárhæð fyrir Supercharger:

1. Opnaðu Tesla appið.
2. Ýttu á valmyndina efst til hægri.
3. Ýttu á „Hleðsla“.
4. Ýttu á „Greiða núna“.

Tryggðu að heimilisfang greiðanda og greiðslumáti séu rétt skráð áður en þú notar Supercharger-hraðhleðslu.

Athugaðu: Ógreiddar skuldir eða rangur greiðslumáti getur haft áhrif á aðgang þinn að Supercharger-hraðhleðslunetinu.

Tálmagjöld Supercharger-hleðslustöðva ná til allra ökutækja og þeim er ætlað að tryggja að allir Tesla-ökumenn geti hlaðið í sátt og samlyndi. Supercharger-hleðslustöðvar eru hannaðar fyrir hraðhleðslu og því ætti einungis að nota þær jafn lengi og það tekur að hlaða bíl.

Tálmagjöld eru innheimt þegar mikið er að gera á Supercharger-stöð og rafhlaða bílsins er þegar við eða yfir 80% hleðslumörkum tálmagjaldsins; eða hleðslulotunni þinni er lokið. Gjöld eru felld niður innan fyrstu fimm mínútnanna og síðan innheimt þar til bíllinn er færður.

Verðflokka á hverjum stað má finna í sprettiglugga viðkomandi hleðslustöðvar á snertiskjá bílsins eða í Tesla-appinu.

Já. Allir ökumenn geta notað hleðslukort þjónustuaðila til að nota Supercharger-hraðhleðslustöðvar.

Supercharger hraðhleðsluaðild gerir eigendum rafbíla kleift að nota Supercharger hraðhleðslu á lægra verði.¹ Eigendur Tesla eru sjálfkrafa meðlimir.

Athugaðu: Þú þarft ekki að kaupa aðild fyrir hvern bíl.

Fylgdu eftirfarandi skrefum til að sjá hvort þú eigir inneign fyrir Supercharger hraðhleðslu:

1. Opnaðu Tesla appið.
2. Ýttu á valmyndina efst til hægri.
3. Ýttu á „Hleðsla“.

Opnaðu Tesla appið til að athuga hvort þú eigir ókeypis Supercharger hraðhleðslu og ýttu svo á „Tæknilýsing og ábyrgð“.

Athugaðu: Inneign fyrir Supercharger hraðhleðslu er aðeins hægt að nota sem greiðslumáta fyrir hleðslulotur Tesla bíla á Supercharger hleðslustöðvum í eigu Tesla.

Þú getur eingöngu séð tengingu Supercharger-hraðhleðslu við bíl ef þú ert skráður eigandi bílsins eða ef skráður eigandi bílsins hefur bætt þér við sem ökumanni í Tesla-appinu. Ef þú ert ekki eigandi bílsins eða skráður ökumaður getum við ekki veitt þessar upplýsingar.

Þú finnur gildistíma inneignarinnar fyrir Supercharger hraðhleðslu í Tesla appinu. Fylgdu eftirfarandi skrefum til að athuga gildistímann:

1. Opnaðu Tesla appið.
2. Ýttu á valmyndina efst til hægri.
3. Ýttu á „Hleðsla“.

Þegar inneign fyrir Supercharger hraðhleðslu rennur út er hún ekki lengur birt í Tesla appinu.

Hefðbundið Supercharger gjald er innheimt eftir að ókeypis Supercharger inneign hefur verið notuð.

Einungis er hægt að nota inneign fyrir ókeypis Supercharger-hraðhleðslu á Supercharger-hraðhleðslustöðvum í eigu Tesla. Ekki er hægt að nota inneign fyrir ókeypis Supercharger-hraðhleðslu á Supercharger-hraðhleðslustöðvum sem ekki eru í eigu Tesla. Gjöld tengd Supercharger-hraðhleðslu, þar á meðal tálmagjöld, eru áfram innheimt.

Ef Tesla-bíllinn þinn er með ókeypis Supercharger-hraðhleðslu geturðu hlaðið á Supercharger-hraðhleðslustöðvum í eigu Tesla þér að kostnaðarlausu. Ef þú hleður-Tesla bílinn þinn á Supercharger-hraðhleðslustöð sem ekki er í eigu Tesla geturðu séð verðið á hverri hleðslustöð fyrir sig áður en þú byrjar að hlaða. Greiðslur fyrir Supercharger-hraðhleðslu eru unnar sjálfkrafa gegnum greiðslumátann í Tesla-appinu. Gjöld tengd Supercharger-hraðhleðslu, þar á meðal tálmagjöld, eru áfram innheimt.

V3 Supercharger hleðslustöðvar geta náð 250 kW hámarkshleðslu.

Upplýsingar um hámarksgildi kW á hverri hleðslustöð eru í sprettiglugga viðkomandi hleðslustöðvar. Ýttu á rautt eldingatákn hleðslustöðvarinnar á snertiskjá bílsins eða í Tesla appinu ef þörf er á frekari upplýsingum.

Nei. Hleðsluhraði ræðst af mismunandi þáttum, á borð við stærð og aldur rafhlöðunnar, hleðslustöðu, umhverfishitastig og uppsetningu bílsins.

Við opnuðum fyrstu V4 Supercharger-hraðhleðslustöðina í Harderwijk í Hollandi í mars 2023 og stefnum að því að opna fleiri. V4 Supercharger-hraðhleðslustöðvar bjóða upp á lengri snúru sem tryggir betri aðgang fyrir alla rafbíla.

Áður en þú notar Supercharger-hraðhleðslu þarftu að:

• Sækja Tesla appið
• Bæta við greiðslumáta í Tesla-appinu
• Tilgreina greiðslumáta fyrir Supercharger-hraðhleðslu í Tesla-appinu
• Tryggja rétta tengingu milli Supercharger-hleðslustöðvarinnar og bílsins þíns

Ef þú keyptir Tesla-bílinn þinn gegnum þriðja aðila þarftu að skrá þig sem eiganda bílsins áður en þú getur haft umsjón með greiðslum fyrir Supercharger-hraðhleðslu. Þú getur flutt eignarhald bíls yfir á þitt nafn í örfáum skrefum til að fá aðgang að öllum eiginleikum bílsins.

Bíllinn þinn og Supercharger-stöðvarnar „tala saman“ til að velja viðeigandi hleðsluhraða fyrir bílinn þinn. Supercharger-hleðsluhraði ræðst af hleðslustigi rafhlöðu, hitastigi rafhlöðunnar, álagi á Supercharger-hleðslustöðinni og erfiðum veðurskilyrðum.

Ökutækið hleðst hraðar þegar lítil hleðsla er á bílnum og svo hægir á hleðslunni þegar fyllist á rafhlöðuna. Oft er ekki nauðsynlegt, háð áfangastað, að hlaða rafhlöðuna að fullu.

Tæknifólk Tesla fylgist vel með og sinnir reglubundnu viðhaldi á Supercharger-hleðslustöðvum til að leysa úr tæknilegum vandamálum eins fljótt og hægt er. Ef þú lendir á bilaðri eða óvirkri Supercharger-hleðslustöð skaltu nota aðra Supercharger-stöð á sama stað.

Ef þú lendir í vandræðum með hleðslukapalinn geturðu fengið innsýn í það hvernig þú getur lagað vandamálið á fljótlegan hátt með því að skoða sjálfshjálparleiðbeiningarnar okkar.

Ef vandamálið lagast ekki og þú getur ekki gert bilanagreiningu upp á eigin spýtur skaltu hafa samband við notendaþjónustuna.

Ef þú ert að lenda í vandamálum fyrir eða meðan á hleðslu á Supercharger hleðslustöð stendur geturðu tilkynnt vandamálið í Tesla appinu. Fylgdu eftirfarandi skrefum til að tilkynna vandamál:

1. Opnaðu Tesla appið.
2. Veldu staðsetningu.
3. Finndu og veldu „Tilkynna vandamál“.
4. Veldu flokk og láttu mynd fylgja.

Athugaðu: Aðgangur að þessum eiginleika krefst útgáfu 4.39.0 eða nýrri útgáfu af Tesla appinu. Gakktu úr skugga um að þú sért með nýjustu útgáfuna af Tesla appinu með því að uppfæra það í snjalltækinu þínu.

Teymið okkar mun fara yfir vandamálið og ákvarða næstu skref. Þó að kerfi okkar geti greint vandamál sem geta haft áhrif á hleðsluafköst verða tilkynningar um vandamál á staðnum, svo sem um aðgengismál, hreinlæti eða skemmdir á hleðslustöðvum, rannsökuð út frá tilkynningunni.